Genesisi 19:14 - Siswati 1996 Bible

¹⁴ Ngako-ke Loti waphuma waya kubakhwenyana bakhe lababetawutsatsa emadvodzakati akhe, wefike watsi: “Sheshisani siphume, ngobe Simakadze sewutayibhubhisa lendzawo.” Kepha bamtsatsa njengemuntfu lonamako nje.

Genesisi 19:14 Referencias Cruzadas

Genesisi 19:15

Ekuseni kuseluvivi tingilosi tamgcugcuta Loti tatsi: “Vuka, utsatse umkakho nemadvodzakati akho lamabili lakhona la, ningahle nehlelwe ngulesijeziso salelidolobha.”

Genesisi 19:17

Atsi kube abakhiphele ngaphandle, lomunye wawo watsi: “Balekani nitewusindza! Ningasabuki nasemuva, ningemi ndzawo kulelitsafa. Balekani nicondze ngasetintsabeni, ningahle nehlelwe ngulesijeziso.”

Genesisi 19:22

Phangisa-ke ubalekele khona; ngobe ngingeke ngente lutfo ungakefiki khona.” Ngako-ke, njengobe Loti watsi lelidolobha lincane, lase letsiwa ngekutsi yiSowari.

2 Tikhronike 30:10

Tigijimi taphuma tangena kuwo onkhe emadolobha aka-Efrayimu, newakaManase, kuze kuyewufika kulakaZebuloni, kodvwa sive sasiteya sihlekise ngato.

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Eksodusi 12:31

Ngabo lobo busuku Faro wabita boMosi na-Aroni; befika, watsi kubo: “Hambani la! Sukani emkhatsini webantfu bami, ngisho nine nawo onkhe ema-Israyeli. Hambani niyewukhonta Simakadze njengekucela kwenu.

Eksodusi 9:21

Kodvwa letinye tato atizange tiwanake emavi aSimakadze; ngako tigcili tato netifuyo tato tatiyekelela ngaphandle tangete tatikhoselisa.

Taga 29:1

Umuntfu lotsi nakelulekwa acinise inhloko, uyakufohlotwa masinyane.

Isaya 28:22

Nyalo-ke yekelani lokuphukuta kwenu, nakungenjalo, tinketane tenu titakuba matima, iNkhosi Simakadze lenguSomandla ingitjelile ngembhubhiso leseyimiselwe live lonkhe.

Jeremiya 20:7

Awu Simakadze, wangiyenga, nami ngayengeka, wangehlula ngemandla, waphumelela. Nyalo sengiyinhlekisa kubantfu lonkhe lilanga, bonkhe bantfu bayangiphukuta.

Jeremiya 43:1

Watsi kube Jeremiya acedze kutjela bantfu onkhe lamavi aSimakadze longuNkulunkulu wabo, konkhe Simakadze labemtfume kutsi abatjele,

Jeremiya 43:2

Azariya, umsa waHoshaya, naJohanani, umsa waKhareya, nawo onkhe emadvodza labetibeka embili akhuluma kuJeremiya, atsi: “Unemanga! Simakadze longuNkulunkulu wetfu akakutfumi kutsi utewutsi: ‘Kufanele ningayi eGibhithe kuyawuhlala khona.’

Jeremiya 51:6

“Phumani nibaleke eBhabhulona! Phephisani timphilo tenu! Ningabhujiswa ngenca yetono tayo. Sesikhatsi sekuphindzisela kwaSimakadze; utayikhokhela ngaloko lokuyifanele.

Hezekeli 20:49

Ngase ngitsi: “Awu, Nkhosi, Simakadze! Bakhuluma ngami batsi: ‘Utsi akakhulumi tinganekwane nje yena lo?’ ”

Numeri 16:21

“Khweshani kulesicumbi kuze ngisicedze masinyane.”

Numeri 16:26

Wasiyala sonkhe sive, watsi: “Khweshani emathendeni aletigangi leti! Ningatsintsi lutfo etintfweni tabo, funa nani nikhukhulwe kanye netono tabo.”

Numeri 16:45

“Sukani emkhatsini walabantfu, kuze ngibabhubhise ngekushesha.” Bobabili bakhotsama babhekisa tinhloko tabo phansi.

Matewu 1:18

Kutalwa kwaJesu Khristu kwaba nje-ke: Kwatsi Mariya unina asamiselwe Josefa, basengakahlangani, watfolakala asakhuleliswe nguMoya Longcwele.

Matewu 9:24

watsi: “Phumani nonkhe; lesidzandzane asikafi, silele.” Bamane bamhleka bulima nje.

Lukha 24:11

Kodvwa baphostoli bayitsatsa lenkhulumo yalabafati ngekutsi bayabhedza, bangete bakukholwa loko.

Lukha 9:42

Watsi naketa lomfana, lidimoni lamjika phansi, waba nesitfutfwane. Jesu wawekhuta lomoya lomubi, wamphilisa lomfana, wase umbuyisela kuyise.

Imisebenti yebaPhostoli 17:32

Kwatsi nabamuva akhuluma ngekuvuka kulabafile, labanye bamhleka bulima, kepha labanye batsi: “Sitawubuye sikuve nawukhuluma ngaloko.”

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.