Genesisi 18:5 - Siswati 1996 Bible

⁵ Ngitawulandza lucetwana lwesinkhwa, khona nitewudla kucala ningakahambi, njengobe naku senifike ekhaya lenceku yenu.” Ngako-ke batsi kuye: “Kulungile, yenta njengobe sewushito.”

Genesisi 18:5 Referencias Cruzadas

Genesisi 18:6

Abrahama waphutfuma ethendeni kuSara, watsi: “Sheshisa utsatse emabinta lamatsatfu afulaha uyibhuce, wente emacebelengwane.”

Genesisi 19:8

Ase nilalele la, nginemadvodzakati lamabili langazange asalale nemuntfu lomdvuna. Angimane nginiletsele wona, nente lenikutsandzako kuwo. Kepha ningenti lutfo kulamadvodza, ngobe angenise endlini kami.”

Genesisi 33:10

Jakobe watsi: “Cha, mnaketfu, ngiyacela nangabe ngemukele umusa emehlweni akho semukele lesipho sami; ngobe kimi kubona buso bakho kunjengekubona buso baNkulunkulu, kakhulu nje ngobe nawe sewungemukele ngemoya lomuhle.

1 Emakhosi 17:11

Watsi lomfelokati asahamba ayakumnatsisa, Elija watsi: “Ubomane ungiphatsele nelucetwana lwesinkhwa, tsine.”

Tihlabelelo 104:15

neliwayini lelijabulisa tinhlitiyo tabo, nemafutsa ekugcobisa buso bakhe buze bucwebetele, nekudla lokuyinsika yemphilo yemuntfu.

Isaya 3:1

Buka-ke nyalo, iNkhosi Simakadze lenguSomandla seyitawususa eJerusalema nakaJuda lokungenako nako konkhe lokubasekelako: konkhe kudla lokungenako nawo onkhe emanti langenako,

Matewu 6:11

Siphe lamuhla kudla kwetfu njengasemalangeni onkhe.

Tikhulu 13:15

Manowa wakhuluma engilosini, watsi: “Sitawucela mane sewume kuhamba, size sikulungisele kwesibhutatana.”

Tikhulu 13:16

Ingilosi yaSimakadze yatsi: “Nome ningangilibatisa, ngingeke ngikudle nakunye kudla kwenu. Kodvwa naningalungisa umnikelo wekushiswa, wunikeleni kuSimakadze.” Manowa bekangaboni lokutsi yingilosi yaSimakadze.

Tikhulu 19:5

Kwatsi ngelilanga lesine bavuka ekuseni, watilungiselela kuhamba, kodvwa loyise walesingani wakhuluma kulomkhwenyane wakhe, watsi: “Ticabule ngalokudliwako kucala, bese-ke uyahamba.”

Tikhulu 6:18

Ngicela ungahambi, ngize ngibuye ngiletse umnikelo wami ngiwuletse embikwakho.” Simakadze watsi: “Ngitakumela uze ubuye.”

Tikhulu 6:19

Gideyoni wangena, walungisa lizinyane lembuti, wenta emacebelengwane labengenambiliso ngemphuphu lecolisakele leyayingemakhilogremu labengaba lishumi. Wafaka inyama ebhasikidini, nemhluti wayo ebhodweni, konkhe wakukhipha wakuletsa wakunikela kuye ngaphansi kwaleso sihlahla se-okhi.