Genesisi 18:32 - Siswati 1996 Bible

³² Abrahama watsi: “Ngicela kutsi iNkhosi ingatfukutseli ngobe sengitawukhuluma kwekugcina-ke manje. Ase ngitsi-ke ukhandza labalungile balishumi?” Wamphendvula watsi: “Ngenca yalabalungile labalishumi ngingeke ngilibhubhise.”

Genesisi 18:32 Referencias Cruzadas

Genesisi 18:30

Abrahama watsi: “Ngicela kutsi iNkhosi ingatfukutseli ngekutsi ngisakhuluma. Nakwenteka-ke kutfolakala labalungile bangema-30?” Wamphendvula watsi: “Ngingeke ngilibhubhise, nangikhandza kutsi labalungile bangema-30.”

Genesisi 18:31

Abrahama watsi: “Ngiyacolisa kuba nesibindzi sekuchubeka ngikhulume neNkhosi. Ase ngitsi-ke ukhandza labalungile bangema-20?” Wamphendvula watsi: “Ngingeke ngilibhubhise, nangikhandza labalungile bangema-20.”

Genesisi 44:18

Juda wasondzela kuJosefa watsi: “Ngiyakuncenga, nkhosi yami, kutsi sengimane ngikhulume nawe inhlitiyo yami yonkhe. Ngicela ungangicansukeli, nome ulingana naFaro matfupha.

Jobe 33:23

“Kantsi kube bekungaba nengilosi leme ngakuye lengumlamuleli, yinye nje enkhulungwaneni, letabotjela umuntfu kutsi yini lokubi nalokuhle,

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Eksodusi 32:14

Ngako Simakadze wagucula umcondvo wakhe, wangabe asababhubhisa bantfu bakhe.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Isaya 65:8

Naku lokushiwo nguSimakadze, utsi: “Njengobe kutfolakala luju lwemagelebisi esikhehleni semagelebisi, bantfu batsi: ‘Ungasibulali, kusekhona lokuhle kuso,’ ngitakwenta kanjalo nami ngenca yetinceku tami; ngingeke ngitibhubhise tonkhe.

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Matewu 7:7

“Celani, nitawuphiwa; funani, nitakutfola; nconcotsani, nitakuvulelwa.

Kubase-Efesu 3:20

Kuye lonemandla ekwenta lokukhulu kakhulu kunako konkhe lesikucelako nome lesikucabangako, ngekwemandla lasebenta kitsi,

Tikhulu 6:39

Gideyoni wakhuluma kuNkulunkulu, watsi: “Ungangitfukutseleli. Ase ngente lesinye sicelo. Ngivumele ngente lesinye siciniseko ngaloboya. Kwamanje yenta loboya bome, bese kutsi lomhlabatsi loseceleni kwabo ube nematolo.”