Genesisi 18:14 - Siswati 1996 Bible

¹⁴ Kukhona yini lokungamehlula Simakadze? Njengobe sengishito, ngitawubuya la kuwe ngemnyaka lotako. Sara utawuba nendvodzana.”

Genesisi 18:14 Referencias Cruzadas

Genesisi 17:16

Ngiyawumbusisa, ngikunike indvodzana ngaye. Ngiyawumbusisa, abe ngunina wetive. Kuyawuvela kuye emakhosi etive.”

Genesisi 17:21

Kepha ngiyawumisa sivumelwane sami na-Isaka, latakutalela yena Sara ngaso lesikhatsi ngemnyaka lotako.”

Genesisi 18:10

Simakadze watsi kuye: “Impela ngitawubuya kuwe ngemnyaka lotako ngasona lesikhatsi, Sara umkakho utawuba nendvodzana.” Sara wakuva loko, ngobe abesemnyango welithende emvakwa-Abrahama, alalele.

Genesisi 18:13

Simakadze watsi ku-Abrahama: “Uhlekeleni Sara, atsi: ‘Ngitawutala umntfwana sengimdzala kangaka?’

Genesisi 18:15

Kodvwa Sara waphika ngenca yekwesaba watsi: “Angikahleki.” Kepha waphendvula watsi: “Cha, vele uhlekile.”

Genesisi 21:1

Simakadze wabusisa Sara njengobe abeshito. Simakadze wentela Sara loko abemetsembise kona.

Genesisi 21:2

Sara wakhulelwa, watalela Abrahama indvodzana ngesikhatsi lesasikhonjwe nguNkulunkulu. Abrahama abesamdzala kakhulu.

2 Emakhosi 4:16

Elisha wakhuluma kulomfati, watsi: “Cishe ngalesikhatsi ngemnyaka lotako, utawube ugone indvodzana.” Lomfati wekhuta imihlolo, watsi: “Cha, nkhosi yami, incekukati yakho ungayiyengi, muntfu waNkulunkulu!”

Jobe 36:5

“Nkulunkulu unemandla, kodvwa akabedzeleli bantfu; unemandla, futsi ucinisekile kulenhloso yakhe.

Jobe 42:2

“Ngiyati kutsi wena unemandla ekwenta konkhe, kute muntfu longaphatamisa loko lese uhlose kukwenta.

Tihlabelelo 90:13

Buya, Simakadze! Kuyawudzimate kube ngunini solomane usifulatsela? Hawukela tinceku takho.

Tihlabelelo 93:1

Simakadze uyabusa, wembetse inkhatimulo, Simakadze wembetse, wavunula emandla. Ngempela, umhlaba wonkhe utintile, ungeke utanyatanyiswe.

Tihlabelelo 95:3

Ngobe Simakadze nguNkulunkulu lomkhulu, unguMbusi lomkhulu lonemandla kunabo bonkhe bonkulunkulu.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Jeremiya 32:17

“Awu, Nkhosi Simakadze, wena wenta emazulu nemhlaba ngemandla akho lamakhulu nangengalo yakho leyelulekile. Kute lokulukhuni kakhulu kuwe.

Jeremiya 32:27

“Mine nginguSimakadze, Nkulunkulu wabo bonkhe bantfu. Kukhona yini lokungehlulako mine?

Danyela 6:20

Yatsi kube ifike edvute nemgodzi wemabhubesi, yamemeta Danyela ngeliphimbo lelidzabukile, yatsi: “Danyela, nceku yaNkulukulu lophilako, loNkulunkulu wakho, lomkhonta njalonjalo, ukhonile yini kukulamlela emabhubesini?”

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zakhariya 8:6

Naku lokushiwo nguSimakadze longuSomandla, utsi: “Nangabe kubonakale kusimangaliso kulensali yalabantfu ngaleso sikhatsi, kodvwa ingabe nakimi kuyawuba simangaliso yini?” kusho Simakadze longuSomandla.

Numeri 11:23

Simakadze waphendvula Mosi watsi: “Sandla saSimakadze sifishane yini? Utase ubone-ke kutsi loku lengikushoko kutakwenteka ngempela yini kuwe, nome cha!”

Matewu 14:31

Masinyane Jesu welula sandla sakhe, wambamba watsi: “Maye, kukholwa kwakho kuncane-bo! Ungatsitelani?”

Matewu 19:26

Jesu wababukisisa, wase uyabaphendvula utsi: “Angeke akwente umuntfu loko; kodvwa kuNkulunkulu konkhe kungenteka.”

Matewu 3:9

Ningatiyengi nje nitsi: ‘Sinaye Abrahama longubabe wetfu,’ ngobe ngiyanitjela ngitsi: Nkulunkulu angamvusela Abrahama bantfwana kulamatje.

Makho 10:27

Jesu wababuka emehlweni wase utsi: “Kubantfu kungeke kwenteke loku, kodvwa kuNkulunkulu kungenteka, ngobe kuNkulunkulu konkhe kuyenteka.”

Lukha 1:13

Kodvwa ingilosi yatsi kuye: “Ungesabi, Zakhariya! Umthandazo wakho sewuvakele, umkakho Elizabethe utakutalela indvodzana. Utayetsa libito layo utsi nguJohane.

Lukha 1:18

Zakhariya watsi engilosini: “Ngiyawukwati ngani kutsi loku kungiko? Mine nemkami sesibadzala kakhulu.”

Lukha 1:37

Nkulunkulu akehlulwa lutfo.”

Lukha 8:50

Kepha Jesu nakuva loko, watsi kuJayiru: “Ungesabi wena, kholwa nje kuphela; itawuphila.”

KubaseRoma 4:21

Waba neliciniso leliphelele kutsi Nkulunkulu unawo emandla ekukwenta loko labekwetsembisile.

Kubase-Efesu 3:20

Kuye lonemandla ekwenta lokukhulu kakhulu kunako konkhe lesikucelako nome lesikucabangako, ngekwemandla lasebenta kitsi,

Dutheronomi 30:3

Simakadze Nkulunkulu wenu uyawunibuyisela tonkhe tibusiso tenu, anihawukele aphindze anibutse kuto tonkhe leto tive, lapho abenisakatele khona.

Dutheronomi 7:21

Ningabesabi, ngobe Simakadze Nkulunkulu wenu, losemkhatsini wenu, unguNkulunkulu lomkhulu nalowesabekako.

KubaseFiliphi 3:21

Nguye loyawugucula simo sebuphansi bemtimba wetfu, ufane nemtimba wakhe wenkhatimulo, ngemandla akhe langahlela ngawo konkhe ngephansi kwakhe.

KubaseFiliphi 4:13

Nginemandla ekwenta konkhe ngaye Khristu longicinisako.

KumaHebheru 11:19

Abrahama wabona kutsi Nkulunkulu unemandla ekuvusa umuntfu ngisho kulabafile; ngiko nje, ngekufanekisa, Abrahama emukela Isaka asaphila.

Tikhulu 13:3

Ingilosi yaSimakadze yabonakala kulomfati, yatsi: “Uyinyumba, ute bantfwana, kodvwa sewutawukhulelwa, utale indvodzana.

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”