Genesisi 18:12 - Siswati 1996 Bible

¹² Sara watihlekela nje, wadzimate watsi: “Manje sengimdzala kangaka, nenkhosi yami seyigugile, utsi ngingabe ngisaba nayo lenjabulo?”

Genesisi 18:12 Referencias Cruzadas

Genesisi 17:17

Abrahama wakhotsamisa buso bakhe, batsintsa phansi, wahleka, akhuluma yedvwana enhlitiyweni atsi: “Konje kungenteka yini kutsi indvodza itale umntfwana seyineminyaka lelikhulu budzala? Kona kungenteka yini kutsi Sara atale umntfwana asaneminyaka lengema-90?”

Genesisi 18:13

Simakadze watsi ku-Abrahama: “Uhlekeleni Sara, atsi: ‘Ngitawutala umntfwana sengimdzala kangaka?’

2 Emakhosi 4:16

Elisha wakhuluma kulomfati, watsi: “Cishe ngalesikhatsi ngemnyaka lotako, utawube ugone indvodzana.” Lomfati wekhuta imihlolo, watsi: “Cha, nkhosi yami, incekukati yakho ungayiyengi, muntfu waNkulunkulu!”

Tihlabelelo 126:2

Sahleka safa, sahlabela tingoma tenjabulo. Tive letibomakhelwane tatsi: “Nkulunkulu ubentele tintfo letinkhulu.”

Tihlabelelo 45:11

Lobuhle bakho-ke buyawuyikhanga lenkhosi; uyitfobele, ngobe ingumyeni wakho.

Kubase-Efesu 5:33

Noko-ke, akube ngulowo nalowo atsandze umkakhe, njengobe atitsandza yena, nemfati ahloniphe indvodza yakhe.

1 yaPhetro 3:6

Abenta njalo-ke naSara, ahlonipha Abrahama, ambita ngekutsi “yinkhosi” yakhe, lese naba bakhe nanenta lokulungile, ningesatjiswa lutfo.

Tikhulu 19:26

Kwatsi nasekusile lesingani sabuyela emuva kulendlu lapho bebangenise khona nalendvodza yaso, safike satijika emnyango, salala, satsi dzalakaca, kwaze kwaphuma lilanga.