Genesisi 18:1 - Siswati 1996 Bible

¹ Simakadze wabonakala ku-Abrahama ngasema-okhini aMamre, ahleti ngasemnyango welithende lakhe ngesikhatsi sekushisa kwelilanga.

Genesisi 18:1 Referencias Cruzadas

Genesisi 12:7

Simakadze wabonakala ku-Abrama, watsi: “Lelive ngiyawulinika titukulwane takho.” Abrama wakhela Simakadze lilati, ngobe abebonakele lapho kuye.

Genesisi 13:18

Ngako-ke, Abrama walitfutsa lithende lakhe walimisa ngasetihlahleni tema-okhi eMamre, leseHebroni; wafike lapho wakhela Simakadze lilati.

Genesisi 14:13

Lomunye waphunyuka wabaleka wayawubikela Abrama, umHebheru, labehlala ngasetihlahleni tema-okhi aMamre, um-Amori, umnakabo-Eshkoli na-Aneri. Bonkhe-ke laba bebabambisene na-Abrama.

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

Genesisi 17:22

Watsi kube Nkulunkulu acedze kukhuluma na-Abrahama, wamshiya, wenyuka.

Genesisi 18:22

Ngako-ke lamadvodza esuka lapho acondza ngaseSodoma; kepha Abrahama wasala embikwaSimakadze.

Genesisi 20:1

Abrahama wesuka kulelo live waya eveni laseNegevu, eningizimu naseKhenani. Wafike wahlala emkhatsini weKhadeshi neShuri; wahlalahlala eGerari.

Genesisi 26:2

Simakadze wabonakala ku-Isaka watsi: “Ungehleli eGibhithe. Ubohlala eveni lengitakukhombisa lona.

Genesisi 35:27

Jakobe wahamba waze wefika ekhaya leyise, Isaka, eMamre ngaseKhiriyathi Abha leseyatiwa ngekutsi iHebroni, lapho kwakuhlala khona Abrahama na-Isaka.

Genesisi 48:3

Jakobe wakhuluma kuJosefa watsi: “Nkulunkulu Somandla wabonakala kimi eLuzi, eveni laseKhenani wangibusisa,

2 Tikhronike 1:7

Ngalobo busuku Nkulunkulu watibonakalisa kuSolomoni, watsi kuye: “Cela nome ngabe yini lofuna kutsi ngikuphe yona.”

Eksodusi 4:1

Mosi waphendvula Nkulunkulu watsi: “Ngitawutsini, nangitawutsi ngiyabatjela labantfu bangete bangikholwa bangangilaleli nekungilalela bangitjele batsi: ‘Nkulunkulu akaze abonakale kuwe’?”

Imisebenti yebaPhostoli 7:2

Stefano waphendvula watsi: “Bazalwane, nani bobabe, lalelani kimi! Nkulunkulu weludvumo wabonakala kukhokho wetfu Abrahama asahlala eMesophothamiya, asengakatfutsi kuyakwakha eHarani,

KumaHebheru 11:9

Ngekukholwa waba sihambi eveni labetsenjiswe lona. Wahlala emathendeni; benta njalo nabo-Isaka naJakobe. Nabo baba tindlalifa kanye naye kuso leso setsembiso,

KumaHebheru 13:2

Ningakhohlwa kungenisa tihambi emakhaya enu, ngobe labanye ngekwenta njalo bangenisa tingilosi bangaketeleli.

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”