Genesisi 17:8 - Siswati 1996 Bible

⁸ Lelive lewusihambi kulo ngiyawulinika wena netitukulwane takho emvakwakho. Lonkhe lelive laseKhenani liyawuba letitukulwane takho, libe lifa lato phakadze naphakadze, mine ngiyawuba nguNkulunkulu wato.”

Genesisi 17:8 Referencias Cruzadas

Genesisi 12:7

Simakadze wabonakala ku-Abrama, watsi: “Lelive ngiyawulinika titukulwane takho.” Abrama wakhela Simakadze lilati, ngobe abebonakele lapho kuye.

Genesisi 13:15

Lonkhe lelive lolibonako ngitawulinika wena netitukulwane takho kuze kube phakadze.

Genesisi 13:17

Sukuma, uhambe ulidzabule ekhatsi ngebudze nangebubanti balo lelive, ngobe ngitakunika lona.”

Genesisi 23:4

“Ngisihambi nemchamuki la emkhatsini wenu. Ngicela ningitsengisele indzawo yekungcwaba, khona ngitewungcwaba lesidvumbu semkami.”

Genesisi 26:24

Simakadze wabonakala kuye ngabona lobo busuku, watsi: “NginguNkulunkulu weyihlo Abrahama; ungesabi, ngobe nginawe, ngiyakukubusisa ngandzise titukulwane takho ngenca yenceku yami Abrahama.”

Genesisi 28:4

Shangatsi angakunika sibusiso sa-Abrahama, wena kanye netitukulwane takho, uze ulitsatse libe lakho lelive losihambi kulo kwamanje, Nkulunkulu lalinika Abrahama!”

Genesisi 35:27

Jakobe wahamba waze wefika ekhaya leyise, Isaka, eMamre ngaseKhiriyathi Abha leseyatiwa ngekutsi iHebroni, lapho kwakuhlala khona Abrahama na-Isaka.

Genesisi 36:7

Sizatfu lesamenta ehlukane nemnakabo kutsi bobabili bese banetimphahla letinyenti kakhulu. Live labebahlala kulo lalingabe lisabenela bobabili.

Genesisi 37:1

Jakobe wachubeka wahlala eKhenani, live lapho bekuhlala khona uyise.

Genesisi 48:4

watsi kimi: ‘Lalela la, ngitakwandzisa ngikwente ube tive letinyenti, lelive ngiliphe titukulwane takho emvakwakho. Liyawuba lato phakadze naphakadze.’ ”

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

1 Tikhronike 16:18

Watsi: ‘Wena ngiyakupha live laseKhenani leliyawuba sabelo lesilifa lakho.’

Tihlabelelo 103:17

Kodvwa umusa waSimakadze ukubo bonkhe labamesabako, futsi uyawuhlala ukubo phakadze naphakadze, nekulunga kwakhe etikwebantfwana bebantfwana,

Tihlabelelo 105:11

Watsi: “Wena ngiyakupha live laseKhenani leliyawuba sabelo lesilifa lakho.”

Tihlabelelo 105:9

Sivumelwane lasenta na-Abrahama, nesifungo sakhe ku-Isaka,

Eksodusi 13:11

“Simakadze utaningenisa eveni lemaKhenani lanetsembisa lona nine nabokhokho benu, wacinisa setsembiso sakhe ngekufunga. Nakanipha lelive,

Eksodusi 21:6

ngako umtsengi waso kufanele asitsatse asimikise kuNkulunkulu endzaweni yekukhonta. Utawumenta eme eceleni kwemnyango nome kwensika yemnyango, abhobose indlebe yaso ngelusungulo. Sesiyawumsebentela simkhonte imphilo yaso yonkhe.

Eksodusi 29:45

Ngitawuhlala emkhatsini wema-Israyeli, ngibe nguNkulunkulu wabo.

Eksodusi 32:13

Khumbula Abrahama, na-Isaka, na-Israyeli, tinceku takho, lowafunga kuto ngelibito lakho watetsembisa, watsi: ‘Ngiyawunandzisa, titukulwane tenu tibe ngangetinkhanyeti tesibhakabhaka. Lelive lenginitsembisa lona ngiyawulipha titukulwane tenu, liyawuba ngelabo phakadze naphakadze.’ ”

Eksodusi 40:15

Nawo lamadvodzana ubowagcoba, njengobe ugcobe uyise, khona nawo atewungikhonta njengebaphristi. Lomgcobo utawubenta babe baphristi titukulwane ngetitukulwane.”

Eksodusi 6:4

Ngaphindze ngenta sivumelwane sami kanye nabo, ngabetsembisa kutsi ngiyawubanika live laseKhenani, lapho babehlala khona njengetihambi.

Eksodusi 6:7

Ngitanenta nibe sive sami, mine ngibe nguNkulunkulu wenu. Nine-ke niyawungati kutsi nginguSimakadze longuNkulunkulu wenu lowanikhipha ngaphansi kwelijoko laseGibhithe.

Jeremiya 25:5

Batsi: “Gucukani nyalo, ngulowo nalowo kini, niyiyekele imihambo yenu lemibi kanye netento tenu letimbi, khona nitewuhlala kulelive Simakadze lanipha lona nine naboyihlomkhulu phakadze naphakadze.

Jeremiya 31:1

Simakadze utsi: “Ngaleso sikhatsi ngiyawuba nguNkulunkulu wato tonkhe tinsendvo taka-Israyeli, tona tiyawuba sive sami.”

Hezekeli 11:20

Bayawube sebalandzela timiso tami, banakekele kugcina imitsetfo yami. Bayawuba bantfu bami, mine ngibe nguNkulunkulu wabo.

Hezekeli 33:24

“Ndvodzana yemuntfu, bantfu labahlala kulawo madzibikelo eveni laka-Israyeli, batsi: ‘Abrahama bekunguye yedvwa, noko lonkhe lelive belilakhe. Kodvwa tsine sibanyenti; nakanjani lelive linikwe tsine kutsi libe letfu.’

Levithikusi 14:34

“Niyawutsi naningena eveni laseKhenani, lengininika lona libe lenu, bese ngishaya indlu ngesikhuntsa,

Levithikusi 16:34

Lomtsetfo kufanele ugcinwe, wentiwe titukulwane ngetitukulwane. Inhlawulo yekubuyisana kuSimakadze iyakwentiwa kanye ngemnyaka, yentelwe tonkhe tono tema-Israyeli.” Konkhe kwentiwa njengobe Simakadze abeyale Mosi.

Levithikusi 26:12

Ngiyawuhamba emkhatsini wenu ngibe nguNkulunkulu wenu, nine nibe sive sami.

Zakhariya 8:8

Ngiyawubabuyisa batewuhlala eJerusalema; bayawuba bantfu bami, nami ngibe nguNkulunkulu wabo ngekwetsembeka nangekulunga.”

Numeri 10:29

Mosi wakhuluma kuHobabi, umsa waRehuweli, umMidiyani, uyisetala waMosi, watsi: “Tsine sesiyatfutsa lapha, sesiya eveni latsi Simakadze utasinika lona. Hamba kanye natsi, sitakuphatsa kahle, ngobe Simakadze ema-Israyeli uwetsembise tintfo letinhle.”

Numeri 25:13

Yena netitukulwane takhe batawuba nesivumelwane sebuphristi baphakadze naphakadze, ngobe waba nenshisekelo yekugcina ludvumo lwami, wenta inhlawulo yekubuyisana kwesive sonkhe sema-Israyeli nami.”

Numeri 27:12

Simakadze wakhuluma kuMosi, watsi: “Yenyukela eNtsabeni i-Abarimu utewubuka lelive lengiliphe ema-Israyeli.

Imisebenti yebaPhostoli 7:5

Nkulunkulu akamnikanga Abrahama lendzawo kutsi ibe yakhe, ngisho neligajana nje lemhlaba imbala; kepha Nkulunkulu wetsembisa kutsi uyawumnika lelive libe lakhe netitukulwane takhe emvakwakhe. Ngalesikhatsi Nkulunkulu enta lesetsembiso Abrahama abengenamntfwana.

Dutheronomi 14:2

ngobe nisive lesingcwele saSimakadze Nkulunkulu wenu. Kuto tonkhe tive letisebusweni bemhlaba, Simakadze ukhetse nine kutsi nibe sive lesiligugu lakhe.”

Dutheronomi 26:18

Lamuhla naSimakadze sewetsembisile kutsi nisive sakhe, niligugu lakhe latitsengele lona njengobe etsembisa, nekutsi niyawugcina yonkhe imiyalo yakhe.

Dutheronomi 29:13

lacinisa ngaso lamuhla kutsi nine nisive sakhe, nekutsi yena unguNkulunkulu wenu, njengobe anetsembisa nanjengobe afunga kuboyihlomkhulu, bo-Abrahama, na-Isaka, naJakobe.

Dutheronomi 32:49

“Yenyukela etintsabeni tase-Abarimu eNtsabeni iNebo leseveni lakaMowabi, lemacondzana neJerikho, ubuke iKhenani ngesheya, live lengilipha sive saka-Israyeli kutsi libe laso.

Dutheronomi 32:8

Ngesikhatsi Losetikwako Konkhe abela tive emafa ato, mhlazana ehlukanisa tive ngetive wemisa iminyele yetive, kwaya ngebungako bemadvodzana a-Israyeli.

Dutheronomi 34:4

Simakadze wase ukhuluma kuye utsi: “Leli-ke ngilo lelive lengaletsembisa ngesifungo kubo-Abrahama, na-Isaka, naJakobe, mhlazana ngitsi: ‘Ngiyawulipha titukulwane takho.’ Ngentela kutsi ulibone ngemehlo akho, kodvwa wena ungeke wewele kuyawungena kulo.”

Dutheronomi 4:37

Ngobe wabatsandza boyihlomkhulu, wakhetsa titukulwane tabo emvakwabo, wanikhipha eGibhithe ngebukhona bakhe nangemandla akhe lamakhulu,

Dutheronomi 9:5

Akukayi ngekulunga kwenu nome ngebucotfo benu kutsi nihambe niyekudla lelive lato; kodvwa kuye ngebubi baletive kutsi Simakadze Nkulunkulu wenu aticoshe embikwenu, kuze kufezeke loko lakufungela kubokhokho benu bo-Abrahama, na-Isaka, naJakobe.

KumaHebheru 9:15

Ngako-ke unguMlamuli wesivumelwane lesisha, kuze kutsi labo lababitiwe batfole lifa laphakadze; ngobe ngekufa kwakhe sebakhululwe etiphambukweni tabo tesikhatsi sesivumelwane sekucala.

Joshuwa 1:2

“Mosi, inceku yami, ufile. Ngako-ke wena kanye naso sonkhe lesive sema-Israyeli tilungiseleleni kwewela umfula iJordane, niye eveni lengilinika sive sema-Israyeli.

Sembulo 21:7

Lowo loncobako uyawudla lifa lato tonkhe letintfo: Mine ngiyawuba nguNkulunkulu wakhe, yena abe yindvodzana yami.