Genesisi 17:12 - Siswati 1996 Bible

¹² Losanemalanga lasiphohlongo atelwe, niyawumsoka: Bonkhe labadvuna kuto tonkhe titukulwane tenu, ngisho nabo bonkhe labatalelwe kakho nalabatsengwe ngemali yakho etihambini tetive letingesito takini.

Genesisi 17:12 Referencias Cruzadas

Genesisi 17:23

Ngalo lelo langa Abrahama watsatsa Ishmayeli, indvodzana yakhe, nabo bonkhe lababetalelwe kakhe, nabo bonkhe lababetsengwe ngemali yakhe; bonkhe labadvuna lababekakhe wabasoka, njengobe Nkulunkulu abemtjelile.

Genesisi 21:4

Abrahama wayisoka indvodzana yakhe lengu-Isaka seyinemalanga lasiphohlongo budzala, njengobe Nkulunkulu abemyalile.

Eksodusi 12:44

kodvwa sonkhe sigcili lesidvuna lenisitsengile singalidla, nangabe senisisokile.

Eksodusi 22:30

Ungiphe nematubulo etinkhomo newetimvu takho. Libotsi litubulo lingahlala nenina emalanga lasikhombisa bese ungipha lona ngelilanga lesiphohlongo.

Levithikusi 12:3

Ngelilanga lesiphohlongo lijwabu lalomfana lotelwe liyawujutjwa.

Lukha 1:59

Ngelilanga lesiphohlongo umntfwana atelwe beta ekusokweni kwakhe; base batawumetsa ngelibito leyise lelalinguZakhariya,

Lukha 2:21

Ekupheleni kwemalanga lasiphohlongo umtfwana atelwe wasokwa, wase wetsiwa libito kwatsiwa nguJesu, labeletsiwe yingilosi asengekho nasesiswini senina.

Imisebenti yebaPhostoli 7:8

Nkulunkulu wanika Abrahama lisiko lekusoka, kwaba sibonakaliso sesivumelwane. Ngako Abrahama watala Isaka, wamsoka ngemvakweliviki atelwe; na-Isaka wasoka Jakobe, naJakobe wasoka bokhokho labali-12.

KubaseRoma 2:28

UmJuda akusiye umJuda ngalokubonakalako, nekusoka akusiko loko lokubonakala emehlweni kuphela.

KubaseFiliphi 3:5

Ngobe ngasokwa ngelilanga lesiphohlongo, futsi ngiweluhlanga lwaka-Israyeli, wesive sakaBhenjamini, umHebheru wemaHebheru; ngekwemtsetfo ngingumFarisi.