Genesisi 17:10 - Siswati 1996 Bible

¹⁰ Naku-ke kwekugcina sivumelwane sami lekufanele ukwente wena kanye nentalo yakho emvakwakho: Bonkhe labadvuna niyawubasoka.

Genesisi 17:10 Referencias Cruzadas

Genesisi 17:11

Niyawusoka; loko kuyawuba luphawu lwesivumelwane sami nani.

Genesisi 17:23

Ngalo lelo langa Abrahama watsatsa Ishmayeli, indvodzana yakhe, nabo bonkhe lababetalelwe kakhe, nabo bonkhe lababetsengwe ngemali yakhe; bonkhe labadvuna lababekakhe wabasoka, njengobe Nkulunkulu abemtjelile.

Genesisi 17:27

Bonkhe labadvuna lababesemndenini wakhe lababetalelwe kakhe nalabo lababetsengwe ngemali yakhe kubetive basokwa kanye naye.

Genesisi 21:4

Abrahama wayisoka indvodzana yakhe lengu-Isaka seyinemalanga lasiphohlongo budzala, njengobe Nkulunkulu abemyalile.

Genesisi 34:15

Singavuma kuphela, nangabe nani ningalingisa tsine, nisoke bonkhe labadvuna benu.

Genesisi 34:22

Kodvwa lamadvodza ayavuma kutsi angahlala natsi sibe sive sinye nabo kuphela nasingenta naku: kutsi sisoke bonkhe labadvuna betfu sibe njengawo.

Eksodusi 12:48

Nangabe kunewetive lowakhe emkhatsini wenu lofisa kuwugcina naye lomkhosi, kufanele bonkhe labadvuna labasendlini yakhe basokwe. Naye-ke angalidla, ngobe sewuyawutsatfwa njengewekutalwa. Longakasoki akufanele alidle leliPhasika.

Eksodusi 4:25

Siphora watsatsa litje lelikhaliphako wajuba lijwabu lendvodzana yakhe, walidzaceka etinyaweni taMosi watsi: “Impela wena ungumyeni wami wengati.”

Jeremiya 4:4

Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”

Johane 7:22

Mosi waninika lisiko lekusoka, (noko kungasho kutsi liphuma kuye kodvwa kubokhokho benu), umuntfu niyamsoka nome kuliSabatha.

Imisebenti yebaPhostoli 7:8

Nkulunkulu wanika Abrahama lisiko lekusoka, kwaba sibonakaliso sesivumelwane. Ngako Abrahama watala Isaka, wamsoka ngemvakweliviki atelwe; na-Isaka wasoka Jakobe, naJakobe wasoka bokhokho labali-12.

KubaseRoma 2:28

UmJuda akusiye umJuda ngalokubonakalako, nekusoka akusiko loko lokubonakala emehlweni kuphela.

KubaseRoma 3:25

Nkulunkulu wamnikelela kutsi abe yinhlawulo ngengati yakhe; lenhlawulo-ke yemukeleka ngekukholwa. Ngalendlela Nkulunkulu sewubonakalise kulunga kwakhe ngekutsi ngaJesu ahlawule tono letatentiwa kadzeni Nkulunkulu angakatehluleli,

KubaseRoma 3:28

Ngako sibona kutsi umuntfu wemukelwa nguNkulunkulu kutsi ulungile ngekukholwa kuphela, hhayi ngekwenta lokufunwa ngumtsetfo.

KubaseRoma 3:30

ngobe phela Nkulunkulu munye. Bekusoka bayakwemukelwa nguNkulunkulu kutsi balungile ngekukholwa; kanjalo nebekungasoki balungisiswa ngekukholwa.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

KubaseGalathiya 6:12

Ngulabo labafisa kubukeka emtimbeni wabo labaniphocelela kutsi nisoke, khona phela bangetiwuhlushwa ngenca yesiphambano saKhristu Jesu.

Kubase-Efesu 2:11

Ngako-ke khumbulani, nine betive ngekutalwa, kutsi emaJuda lasoke enyameni ngetandla abenibita ngekutsi ningulabangakasoki.

Dutheronomi 10:16

Ngako-ke, sokani tinhlitiyo tenu, ningaphindzi nibe netinhloko letilukhuni.

Dutheronomi 30:6

Simakadze Nkulunkulu wenu uyawusoka tinhlitiyo tenu netinhlitiyo tetitukulwane tenu, kuze nitsandze yena ngayo yonkhe inhlitiyo yenu, nangawo wonkhe umphefumulo wenu, niphile.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

Joshuwa 5:2

Ngaleso sikhatsi Simakadze wakhuluma kuJoshuwa, watsi: “Bata imikhwa yematje, uphindze usoke onkhe ema-Israyeli.”

Joshuwa 5:4

Sizatfu sekutsi Joshuwa asoke ema-Israyeli kwaba ngunasi: Bonkhe laba labaphuma eGibhithe, bonkhe labadvuna lababengangenela imphi, bafela ehlane endleleni baphuma eGibhithe.