Genesisi 16:6 - Siswati 1996 Bible

⁶ Abrama watsi kuSarayi: “Lalela la, Hagari sisebenti sakho, uphetfwe nguwe. Mphatse njengekubona kwakho.” Sarayi wase umphatsa ngelulaka loHagari, wadzimate Hagari wabaleka.

Genesisi 16:6 Referencias Cruzadas

Genesisi 16:9

Ingilosi yaSimakadze yatsi kuye: “Ncandzeka, buyela kuSarayi, umphatsi wakho, ufike utitfobe ngaphansi kwakhe.”

Genesisi 24:10

Lenceku yatsatsa emakamela lalishumi emkhatsini wemakamela enkhosi yayo, yahamba netinhlobonhlobo tetipho letiphuma enkhosini yayo. Yesuka yaya eMesophothamiya edolobheni lakaNahori.

Jobe 2:6

Simakadze wakhuluma kuSathane, watsi: “Kulungile phela, usetandleni takho; kodvwa ungambulali.”

Eksodusi 2:15

Watsi kube Faro ayive lendzaba, wafuna Mosi, amfunela kumbulala. Kodvwa Mosi wabaleka eveni laFaro wayawuhlala eveni lakaMidiyani. Ngalelinye lilanga, Mosi ahleti eceleni kwesicobho,

Taga 14:29

Umuntfu lowephuta kutfukutsela unekucondza lokukhulu; kodvwa umuntfu lonenhlitiyo lencane utibonakalisa kutsi usilima.

Taga 15:1

Imphendvulo letfobekile icitsa intfukutselo; kodvwa leyedzelelako nalenelulaka iyatfukutselisa.

Taga 27:8

Umuntfu loshiya likhaya lakhe ufanana nenyoni lese ilahle sidleke sayo.

Taga 29:19

Sisebenti ungeke usicondzise nawutawulibala kukhuluma ngemlomo; ngobe nome singeva, singeke sente.

Umshumayeli 10:4

Nangabe intfukutselo yembusi ikuvukela, ungawushiyi umsebenti wakho. Kutfobeka kulungisa emaphutsa lamakhulu.

Jeremiya 38:5

Inkhosi Sedekiya yaphendvula yatsi: “Usetandleni tenu, inkhosi ingeke yente lutfo lolungamelana nani.”

Joshuwa 9:25

Manje sesisesandleni sakho. Yenta kitsi loko lokubonakala kukuhle kuwe.”

1 yaPhetro 3:7

Ngalokufananako nani, madvodza, hlalisanani kahle nebafati benu, nati kutsi umuntfu lomsikati unjengesitja lesibutsakatsaka; nibahloniphe, ngobe batindlalifa temusa wekuphila kanye nani; loku nikwente, khona ingetiwuvimbeleka imithandazo yenu.