Genesisi 14:5 - Siswati 1996 Bible

⁵ Ngemnyaka weli-14 weta Khedolawomere nalamanye emakhosi labenawo, balwa behlula emaRefa e-Ashtherothe Khanayimu, nemaZuzi eHhamu, nema-Emi eShave Khiriyathayimu,

Genesisi 14:5 Referencias Cruzadas

Genesisi 14:4

Kwase kuphele iminyaka leli-12 baphansi kwenkhosi Khedolawomere; kepha emnyakeni weli-13 bamhlubuka.

Genesisi 15:20

nemaHethi, nemaPheresi, nemaRefa,

2 Samuweli 23:13

Ngesikhatsi sanakuvunwako tingwazi letintsatfu kuleti letatingema-30 tehlela kuDavide ngasemgedzeni wase-Adulamu, incumbi yemaFilisti isakambe eSigodzini semaRefa.

2 Samuweli 5:18

EmaFilisti abesafike asabalala naso sonkhe leso Sigodzi semaRefa.

2 Samuweli 5:22

Aphindza futsi emaFilisti enyuka asabalala naso sonkhe leso Sigodzi semaRefa.

1 Tikhronike 11:15

Ngalelinye lilanga tingwazi letintsatfu kuleti letatingema-30 tehlela kuDavide edvwaleni lemgedze wase-Adulamu, emaFilisti asakambe eSigodzini semaRefa.

1 Tikhronike 14:9

EmaFilisti abesafike ahlasela Sigodzi semaRefa.

1 Tikhronike 4:40

Lapho bakhandza emadlelo labeneluhlata, nelive lalapho lalilikhulu linekuthula futsi lipholile. Bekuke kwahlala emaHhamu kuleyo ndzawo.

Tihlabelelo 105:23

Israyeli wase uyefika eGibhithe, Jakobe wakhonta eveni lakaHhamu.

Tihlabelelo 105:27

Benta tibonakaliso taSimakadze emkhatsini wabo, netimangaliso eveni lakaHhamu.

Tihlabelelo 106:22

lekwakuyimisebenti lemangalisako eveni lakaHhamu, netintfo letesabekako ngaseLwandle Lolubovu.

Tihlabelelo 78:51

Wabulala onkhe ematubulo aseGibhithe, lekwakungumgogodla wemphi emathendeni aHhamu.

Isaya 17:5

Kuyawuba njengemvuni nakageca tinhlanga letimile, avuna tibhuluja ngetandla takhe, kube njengemuntfu lobutsa lokuwa nakavunako eSigodzini semaRefa.

Jeremiya 48:1

Macondzana neMowabi: Naku lokushiwo nguSimakadze longuSomandla, Nkulunkulu wema-Israyeli, utsi: “Maye kuyo iNebo, ngobe itawubhidlitwa. IKhiriyathayimu iyawuhlazeka itfunjwe, inqaba iyawuhlazeka ihhihlitelwe phansi.

Jeremiya 48:23

neKhiriyathayimu, neBhethi Gamuli, neBhethi Meyoni,

Numeri 32:37

EmaRubeni akha emadolobha iHeshboni, ne-Eleyale, neKhiriyathayimu,

Dutheronomi 1:4

Loko wakwenta emvakwekuba asehlule Sihoni, inkhosi yema-Amori, leyayibusa eHeshboni. Emphini yase-Edreyi abehlule Ogi, inkhosi yaseBhashani, leyayibusa e-Ashtarothe.

Dutheronomi 3:11

Kwase kusele Ogi, inkhosi yaseBhashani, kuphela kuleyo nsali yesive semaRefa. Umbhedze wakhe wawentiwe ngensimbi, budze ungemamitha labengaba mane, bubanti ungemamitha labengaba mabili. Ungatfolakala eRabha, edolobheni lema-Amoni.

Dutheronomi 3:13

Lenye incenye yelive lakaGileyadi neBhashani yonkhe, umbuso wa-Ogi, ngisho sonkhe sifundza sase-Agobhu ngayabela incenye yesive sakaManase. “IBhashani yayatiwa ngekutsi live lakaRefa.

Dutheronomi 3:20

aze Simakadze anike banakenu lendzawo lesasele, njengobe enta nakini, nabo futsi sebalitsetse lelo live Simakadze Nkulunkulu wenu labanika lona lelingesheya kwemfula iJordane. Emvakwaloko-ke nonkhe seningabuyela emuva, nguloyo naloyo aye eveni lakhe lengimabele lona.’

Dutheronomi 3:22

Ningayesabi, ngobe Simakadze Nkulunkulu wenu nguye lotanilwela.’ ”

Joshuwa 12:4

Ema-Israyeli aphindza ancoba Ogi, inkhosi yaseBhashani, lomunye wemaRefa ekugcina labebusa i-Ashtarothe ne-Edreyi.

Joshuwa 13:12

lokusho kutsi ngiwo wonkhe umbuso wa-Ogi eBhashani, labeke wabusa e-Ashtarothe nase-Edreyi, labenguyena asesele angulomunye webekugcina besive semaRefa. Mosi abesincobile wabe sewutsatsa lelive laso.

Joshuwa 13:19

neKhiriyathayimu, neSibima, neSerethi Shahari, egcumeni lelikuleso sihosha,

Joshuwa 13:31

nencenye yaseGileyadi, ne-Ashtarothe, ne-Edreyi, emadolobha a-Ogi, inkhosi yaseBhashani. Lelo-ke laba ngeletitukulwane taMakhire, umsa waManase, incenye yemadvodzana aMakhire, lusendvo ngelusendvo.

Joshuwa 9:10

nako konkhe lakwenta kulamakhosi lamabili ema-Amori ngasemphumalanga kweJordane, boSihoni, inkhosi yaseHeshboni, na-Ogi, inkhosi yaseBhashani, labebusa e-Ashtarothe.