Genesisi 14:17 - Siswati 1996 Bible

¹⁷ Abrama asabuya ekwehluleni Khedolawomere nalamanye emakhosi labenawo, inkhosi yaseSodoma yaphuma yaya kumhlangabeta eSigodzini saseShave, lekuSigodzi Senkhosi.

Genesisi 14:17 Referencias Cruzadas

Genesisi 14:1

Emakhosi lamane: Amrafeli, inkhosi yaseShinari, na-Ariyoki, inkhosi yase-Elasare, naKhedolawomere, inkhosi yase-Elamu, naThidali, inkhosi yetive,

Genesisi 14:10

Litsafa laseSidimu laligcwele imigodzi yelitiyela. Ngesikhatsi emakhosi aseSodoma abaleka, agcumukela kulemigodzi, lamanye abalekela etintsabeni.

Genesisi 14:5

Ngemnyaka weli-14 weta Khedolawomere nalamanye emakhosi labenawo, balwa behlula emaRefa e-Ashtherothe Khanayimu, nemaZuzi eHhamu, nema-Emi eShave Khiriyathayimu,

2 Samuweli 18:18

Ngesikhatsi sakhe Absalomu bekatakhele litje lesikhumbuto, waligcumeka eSihosheni Senkhosi, ngobe abecabange watsi: “Anginandvodzana letawuchubeka ivuse libito lami,” waletsa ngaye lelitje lesikhumbuto, nalamuhla loku solomane kutsiwa Litje la-Absalomu Lesikhumbuto.

Taga 14:20

Luphuya alutsandvwa ngisho nangumakhelwane walo; kodvwa sicebi sitsandvwa bantfu labanyenti.

Taga 19:4

Utsi umuntfu angaceba abe nebangani labanyenti; kodvwa utsi nasaphuya alahlekelwe ngisho nangumngani wekugcina.

KumaHebheru 7:1

LoMelkhisedeki kwakuyinkhosi yaseSalema, angumphristi waNkulunkulu Losetikwako Konkhe. Ngesikhatsi Abrahama aphuma emphini lapho ancoba khona emakhosi lamane, Melkhisedeki wamhlangabeta, wambusisa.

Tikhulu 11:34

Jeftha nase achamuka ekhaya lakhe lelaliseMispa, ngubani lobekangaphuma kucala amhlangabete ngaphandle kwentfombi yakakhe, leyaphuma igiya, itjakadvula, ishaya makhoyane wayo. Kwakukuphela kwayo vo! Ngaphandle kwayo abengenandvodzana nandvodzakati.

1 Samuweli 18:6

Kwatsi ngesikhatsi emabutfo abuya ekhaya emvakwekube Davide asabulele lomFilisti, labasikati baphuma kuwo onkhe emadolobha aka-Israyeli batewuhlangabeta inkhosi Sawula, babehlabela balilitela ngetingoma tenjabulo, nangabomakhoyane, nangemahabhu lanetintsambo letintsatfu kanye nangemintjingozi.