Genesisi 14:1 - Siswati 1996 Bible

¹ Emakhosi lamane: Amrafeli, inkhosi yaseShinari, na-Ariyoki, inkhosi yase-Elasare, naKhedolawomere, inkhosi yase-Elamu, naThidali, inkhosi yetive,

Genesisi 14:1 Referencias Cruzadas

Genesisi 10:10

Umbuso wakhe wacala ngeBhabheli, nase-Ereki, nase-Akhadi, konkhe kwakuseveni laseShinari.

Genesisi 10:22

Emadvodzana aShemi bekubo-Elamu, na-Ashuri, na-Aphakshadi, naLudi, na-Aramu.

Genesisi 11:2

Batsi basahambahamba ngasemphumalanga, bakhandza litsafa eveni laseShinari, bafike bahlala khona.

Genesisi 14:9

kuyakulwa nemakhosi boKhedolawomere wase-Elamu, naThidali inkhosi yetive, na-Amrafeli waseShinari, na-Ariyoki wase-Elasare. Emakhosi lamane alwa nemakhosi lasihlanu.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Isaya 22:6

Elamu utsatsa umgodla wemicibisholo, utseleka nebagibeli bakhe betincola kanye nemahhashi; emadvodza aseKhiri agwabula emahawu.

Isaya 37:12

Labonkulunkulu betive letabhujiswa bobabemkhulu, batikhulula yini letive tabo, bonkulunkulu baseGozani, nebaseHarani, nebaseResefu kanye nebebantfu base-Edeni lababeseThelasari?

Jeremiya 25:25

nawo onkhe emakhosi aseZimri, newase-Elamu, newaseMediya;

Hezekeli 32:24

“I-Elamu ilapho, kanye nato tonkhe ticumbi tebantfu bayo labatungelete lithuna layo. Bonkhe bagwaziwe, balahlwa phansi ngenkemba. Bonkhe labo lababange kutfutfumela eveni lalabaphilako behla bangakasoki baya ngaphansi kwemhlaba. Betfwele lihlazo labo kanye nalabo labehlela emgodzini.

Danyela 1:2

Simakadze wanikela Jehoyakimu, inkhosi yakaJuda, kanye naletinye timphahla tasethempelini laNkulunkulu esandleni saNebukhadnezari. Letimphahla watetfwala watiyisa ethempelini lankulunkulu wakhe kulaseBhabhulona, wafike watibeka endlini yengcebo yankulunkulu wakhe.

Danyela 8:2

Embonweni wami ngatibona mine ngisenqabeni yaseSusa esifundzeni sase-Elamu; kulombono ngangiseceleni kwemfula, i-Ulayi.

Zakhariya 5:11

Yangiphendvula, yatsi: “Baliyisa eveni laseBhabhulona, bayakulakhela indlu khona. Itakutsi nase ilungile lendlu, bese balibeka khona lapho endzaweni yalo.”

Joshuwa 12:23

inkhosi yaseDori, eNafothi Dori, yaba yinye, inkhosi yaseGoyimu, eGilgali, yaba yinye,