Genesisi 12:2 - Siswati 1996 Bible

² Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Genesisi 12:2 Referencias Cruzadas

Genesisi 13:16

Titukulwane takho ngiyawutenta tibe ngangelutfuli lwemhlaba, kangangekutsi nakukhona longabala lutfuli lwemhlaba, netitukulwane takho angatibala.

Genesisi 15:5

Simakadze wamkhiphela ngaphandle watsi: “Buka etulu esibhakabhakeni ubale tinkhanyeti, nawungatibala.” Wachubeka watsi kuye: “Nentalo yakho-ke iyawuba ngako.”

Genesisi 17:20

Ngisivile sicelo sakho nga-Ishmayeli. Naye ngitambusisa ngimente achume andze kakhulu. Utawuba nguyise wetikhulu letili-12, ngimente abe sive lesikhulu.

Genesisi 18:18

Phela, Abrahama utawuba sive lesikhulu lesinemandla, tonkhe tive temhlaba tiyawubusiswa ngaye.

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Genesisi 19:29

Ngako-ke Nkulunkulu nakabhubhisa lamadolobha alawo matsafa, wakhumbula Abrahama ngekutsi akhiphe Loti ekubhujisweni kwalamadolobha, Loti labehlala kuwo.

Genesisi 24:1

Abrahama abesamdzala kakhulu ngeminyaka. Simakadze abembusisile etintfweni tonkhe.

Genesisi 24:35

Simakadze uyibusise kakhulu inkhosi yami, injinge kakhulu. Simakadze uyibusise ngemihlambi yetimvu netinkhomo, isiliva negolide, tisebenti letidvuna naletisikati, emakamela kanye netimbongolo.

Genesisi 25:11

Emvakwekufa kwa-Abrahama, Nkulunkulu wayibusisa lendvodzana yakhe lengu-Isaka. Isaka wacaba eBheri Lahayi Royi.

Genesisi 26:3

Hlalahlala kulelive, ngitawuba nawe ngikubusise, ngobe onkhe lamave ngitawuwanika wena netitukulwane takho. Ngitasifeza setsembiso sami lengasenta kuyihlo Abrahama.

Genesisi 26:4

Titukulwane takho ngiyawutandzisa tibe ngangetinkhanyeti tesibhakabhaka. Onkhe lamave ngiyakuwanika titukulwane takho. Tive tonkhe temhlaba tiyawubusiswa ngetitukulwane takho,

Genesisi 27:29

Shangatsi tive tingasebenta wena, nemindeni ikukhotsamele. Ube yinkhosi kubomnakenu, emadvodzana enyoko akukhotsamele. Akacalekiswe lokucalekisako, abusiswe lokubusisako.”

Genesisi 28:14

Titukulwane takho tiyawuba ngangelutfuli lwemhlaba. Uyakwandza nemhlaba wonkhe wenabele enshonalanga, nasemphumalanga, nasenyakatfo, naseningizimu. Tonkhe tive temhlaba tiyawubusiswa ngawe nangetitukulwane takho.

Genesisi 35:11

Nkulunkulu wachubeka watsi kuye: “NginguNkulunkulu, Somandla. Tala, wandze ube sive. Tive letinyenti titawuphuma kuwe, ube ngukhokho wemakhosi.

Genesisi 46:3

Watsi: “NginguNkulunkulu, Nkulunkulu weyihlo. Ungesabi kwehlela eGibhithe, ngiyawukwenta ube sive lesikhulu khona.

2 Samuweli 7:9

Benginawe kuyo yonkhe indzawo lapho bewuhamba khona, ngibhubhise tonkhe titsa takho embikwakho. Manje ngitakwenta libito lakho libe likhulu njengemabito ebaholi labakhulu emhlabeni.

1 Emakhosi 1:47

ngisho netindvuna tasebukhosini setifikile kutawuhalalisela inkhosi yetfu, Davide, tafike tatsi: ‘Shangatsi Nkulunkulu wakho angenta libito laSolomoni lidvume, latiwe kakhulu kunelakho, nesihlalo sakhe sebukhosi sibe sikhulu kakhulu kunesakho!’ Nenkhosi ivele yakhotsama khona embhedzeni wayo,

Jobe 35:8

Bubi bakho buhlupha umuntfu lonjengawe, nekulunga kwakho kutsintsana nebantfu bemhlaba.

Tihlabelelo 107:38

Wababusisa, bandza kakhulu, netifuyo tabo tandza kakhulu.

Eksodusi 1:7

Kodvwa titukulwane tabo, ema-Israyeli, tatalana, tandza, taba nemandla kakhulu, kangangobe live laseGibhithe lase ligcwele tona.

Eksodusi 32:10

Ngako-ke ase ungiyekele kutsi lulaka lwami lutewubahashula lubabhubhise. Wena-ke ngitakwenta ube sive lesikhulu.”

Isaya 51:2

bukani ku-Abrahama, uyihlo, nibuke nakuSara lowanitala. Ngesikhatsi nangimbita abesemunye kuphela, ngambusisa, ngamenta waba mnyenti.

Hezekeli 34:26

Ngiyawubusisa tona kanye netindzawo letitungelete ligcuma lami. Ngiyakwehlisa timvula ngesikhatsi sato; kuyawuba netimvula tesibusiso.

Mikha 7:20

Kwetsembeka nemusa wakho utakukhombisa sive sakho lekutitukulwane ta-Abrahama naJakobe, njengobe wetsembisa ngekufunga kubokhokho betfu endvulo.

Zakhariya 8:13

Njengobe beniyintfo yesicalekiso emkhatsini wetive, awu nine bakaJuda nani ma-Israyeli, ngiyakunisindzisa kanjalo-ke, niyawuba sibusiso. Ningesabi, kodvwa cinani emadvolo.”

Numeri 14:12

Ngitawubashaya ngesifo sitekubabhubhisa, kodvwa wena ngitakwenta ube nguyise wesive lesitawuba sikhulu sibe nemandla kunabo.”

Numeri 22:12

Kodvwa Nkulunkulu wakhuluma kuBhalamu, watsi: “Ungacali uhambe nawo. Ungasibeki sicalekiso kuleso sive leso, ngobe sabusiswa.”

Numeri 23:20

Nginikwe umyalo wekutsi ngibusise, yena sewubusisile, mine ngingabe ngisakugucula loko.

KubaseRoma 4:11

Wasoka muva, lokusoka kwaba luphawu lwekucinisa kutsi ngenca yekukholwa kwa-Abrahama Nkulunkulu abesamemukele ngekutsi ulungile, ngaphambi kwekutsi asoke. Ngako-ke Abrahama waba nguyise wabo bonkhe labakholwa nguNkulunkulu bese bemukelwa nguye kutsi balungile, nome bangakasoki.

KubaseGalathiya 3:14

Loko Khristu wakwenta, kuze kutsi sibusiso lesetsenjiswa Abrahama sifike sinikwe betive ngaJesu Khristu, nekutsi semukele ngekukholwa sipho saMoya lesetsenjiswa sona.

KubaseGalathiya 3:7

Yatini-ke kutsi ngulabakholwako labangemadvodzana a-Abrahama.

Dutheronomi 26:5

Uyawube sewuyamemetela embikwaSimakadze Nkulunkulu wakho, utsi: ‘Khokho wami abengum-Aramu labezulazula. Wehlela eGibhithe anebantfu labambalwa wahlala khona, waze wandza waba sive lesikhulu, nalesinemandla, nalesinyenti kakhulu.