Genesisi 12:18 - Siswati 1996 Bible

¹⁸ Ngako-ke Faro wabita Abrama, watsi kuye: “Yini lena loyente kimi? Awukangitjeli ngani kutsi lona ngumkakho?

Genesisi 12:18 Referencias Cruzadas

Genesisi 12:19

Ushitoleni kutsi ngudzadzewenu, ngaze ngamtsatsa waba ngumkami? Nangu-ke umkakho, mtsatse, uhambe naye.”

Genesisi 20:3

Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”

Genesisi 29:25

Ekuseni ngakusasa Jakobe kwangukhona abona kutsi nguLeya. Jakobe waya kuLabani wafike watsi: “Yini lena longenta yona? Kantsi bengingasebenteli Rakheli yini? Manje ungilutseleni?”

Genesisi 3:13

Nkulunkulu Simakadze watsi kumfati: “Yini-ke lena lose uyentile?” Umfati watsi: “Ngikhohliswe yinyoka, ngase ngiyadla.”

Genesisi 31:26

Labani wafike wakhuluma kuJakobe, watsi: “Seyini-ke lena lose uyentile, unginyenyeleleni ngekuhamba nemadvodzakati ami kungatsi bafati lobatfumbe emphini?

Genesisi 4:10

Simakadze watsi kuye: “Wenteni? Livi lengati yemnakenu liyakhala kimi, lisemhlabatsini.

Genesisi 44:15

Josefa watsi kubo: “Yini-ke lena leseniyentile? Utsi benati nje kutsi umuntfu lokulesikhundla sami angabona timfihlakalo ngemlingo?”

2 Samuweli 3:24

Ngako Jowabe wahamba waya enkhosini, wafike watsi: “Wenteni? Buka, Abneri ufike lapha. Umyekeleleni ahambe? Manje sewuhambile!

Eksodusi 32:21

Wakhuluma ku-Aroni watsi: “Labantfu benteni kuwe, uze ubaholele kulesono lesikhulu kangaka?”

Taga 21:1

Inhlitiyo yenkhosi isesandleni saSimakadze, uyicondzisa kalula njengemanti emfula.

Joshuwa 7:19

Joshuwa wakhuluma ku-Akhani, watsi: “Ndvodzana yami, nika Simakadze ludvumo, ukhulume liciniso kuNkulunkulu wema-Israyeli, uvume kuye. Ngitjele kutsi wenteni, ungafihli lutfo kimi.”

Tikhulu 2:2

Nani aniyikusenta sivumelwane nebantfu bakulelive, kodvwa niyakuwabhidlita emalati abo.’ Noko nine anikangilaleli. Nikwenteleni loku?

1 Samuweli 14:43

Sawula wabuta kuJonathani watsi: “Ase ungitjele kutsi wenteni.” Jonathani wamphendvula watsi: “Nginambitse luju kancane ngesihloko sendvuku yami. Pho, manje sekufanele ngife yini?”