30 Sarayi abeyinyumba, ate bantfwana.
Thera watsatsa Abrama, indvodzana yakhe, naLoti, umtukulu wakhe umsa waHarani, namalukatana wakhe Sarayi, labengumka-Abrama, umsa wakhe, wahamba nabo esuka e-Uri yemaKhaledi, bacondze eveni laseKhenani. Batsi kube befike eHarani, bakha khona.
Isaka wathandazela umkakhe kuSimakadze, ngobe abeyinyumba. Simakadze wawuphendvula umthandazo wakhe; Rebheka, umka-Isaka, wakhulelwa.
Watsi kube abone Simakadze kutsi Leya uyaliwa, wavula sitalo sakhe; kepha Rakheli waba yinyumba.
Inyumba uyipha umuti wayo, ayente ijabule ibe ngunina webantfwana. Haleluya, dvumisani Simakadze!
Khumbula sihlobo sakho Elizabethe, lebekutsiwa angeke abe nemntfwana, kepha nyalo sewunetinyanga letisitfupha atetfwele, lite asamdzala kangaka.
Babete bantfwana, ngobe Elizabethe abengatali, futsi bobabili besebakhulile.
Kwakukhona lenye indvodza yaseSora lekwakunguManowa, libito layo, iyesive sakaDani. Lendvodza yayinemfati loyinyumba, angenabantfwana.
Abenebafati lababili; lomunye bekunguHana, lona lomunye kunguPhenina. Phenina abenebantfwana, kodvwa Hana abete.
Kodvwa abetsi nakabela Hana, incenye yakaHana ayiphindze kabili, ngobe abemtsandza kakhulu; Simakadze abesivalile sitalo saHana.
