Genesisi 1:9 - Siswati 1996 Bible

⁹ Nkulunkulu watsi: “Emanti langephansi kwelizulu akabutsane ndzawonye, kubonakale umhlaba lowomile.” Kwase kuba njalo.

Genesisi 1:9 Referencias Cruzadas

Genesisi 1:8

Nkulunkulu wawetsa lomkhatsi watsi: “Lizulu.” Kwahlwa, kwasa: Kwaba lilanga lesibili.

Nehemiya 9:6

Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.

Jobe 26:10

Udvweba umnyele wemkhatsi etikwemanti, kutsi kube ngumnyele wekukhanya nebumnyama.

Jobe 26:7

Wendlala inyakatfo emkhatsini longenalutfo, alengise umhlaba eteni.

Tihlabelelo 104:3

indlu yakho yebukhosi, uyakhe etikwemanti lasetulu. Emafu lamnyama lahlomile ayincola yakho, ugibele emaphiko emoya.

Tihlabelelo 33:7

Emanti elwandle wawabutsela ndzawonye, kwaba shangatsi uwagcwalisa embiteni; wenta titiba netitibakati tetilwandle.

Tihlabelelo 95:5

Lwandle lwakhe, ngobe walwenta, nemhlaba lowomile wakhe, ngobe wawubumba ngetandla takhe.

Umshumayeli 1:7

Yonkhe imifula ingenisa elwandle, noko lwandle alugcwali, lapho ichamuka ngakhona imifula, iphindze ibuyele khona futsi.

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Jona 1:9

Wabaphendvula watsi: “NgingumHebheru; ngikhonta Simakadze, Nkulunkulu welizulu, lowadala umhlaba nelwandle.”

2 yaPhetro 3:5

Ngobe batsandza kukhohlwa kutsi emazulu abevele asakhona kadzenidzeni, nekutsi Nkulunkulu wakhuluma ngelivi lakhe, kwavela umhlaba emantini, wabasemkhatsini wemanti.

Sembulo 10:6

yamfunga yena lophila kuze kube phakadze, lowadala lizulu nako konkhe lokukulo, nemhlaba nako konkhe lokukuwo, nelwandle nako konkhe lokukulo, yatsi: “Kutawubate lokutawubambelela!