Genesisi 1:6 - Siswati 1996 Bible

⁶ Nkulunkulu watsi: “Akube khona umkhatsi emkhatsini wemanti, wehlukanise emanti nemanti.”

Genesisi 1:6 Referencias Cruzadas

Genesisi 1:14

Nkulunkulu watsi: “Akube khona tibane emkhatsini wesibhakabhaka tehlukanise imini nebusuku; atibe tibonakaliso tetikhatsi, netemalanga, neteminyaka.

Genesisi 1:20

Nkulunkulu watsi: “Emanti akagcwale yonkhe inhlobo yetilwane letiphilako, kundize tinyoni etikwemhlaba emkhatsini wesibhakabhaka.”

Jobe 26:13

Ngekuphefumula kwakhe emazulu akhanya, angabi nalutfo; sandla sakhe sayigwaza inyoka lentjuzako.

Jobe 37:11

Wetfwesa emafu ngemswakama, asakate imibane igcwale kuwo.

Jobe 37:18

ungahlanganyela yini naye ekwendlaleni kwakhe sibhakabhaka lesicine njengesibuko selitfusi lelincibilikisiwe?

Tihlabelelo 104:2

Kukhanya kuyingubo lotembese ngayo, weneke emazulu njengekumiswa kwelithende;

Tihlabelelo 148:4

Mdvumiseni nine mazulu laphakeme, nani manti langetulu kwesibhakabhaka.

Tihlabelelo 150:1

Haleluya, dvumisani Simakadze! Dvumisani Nkulunkulu, endlini yakhe lengcwele! Mdvumiseni emazulwini akhe lanemandla.

Tihlabelelo 19:1

Emazulu ababata bukhosi baNkulunkulu, nemkhatsi wembula likhono lakhe.

Tihlabelelo 19:2

Lilanga litjela lelililandzelako, nebusuku bulandzisa lobubulandzelako ngalolwati.

Tihlabelelo 33:6

Emazulu entiwa ngelivi laSimakadze, nako konkhe lokukuwo kwentiwa ngemoya wemlomo wakhe.

Tihlabelelo 33:9

Ngobe wakhuluma, kwenteka; wakhalima, kwaba khona lutfo.

Umshumayeli 11:3

Nangabe emafu agcwele imvula, lemvula ayitfululela etikwemhlaba. Nangabe sihlahla siwe sabheka ngaseningizimu nome ngasenyakatfo, siyawulala ngaleyo ndlela lesiwe ngayo.

Isaya 40:22

Nkulunkulu uhleti esihlalweni sebukhosi etikwembulunga lengumhlaba, nebantfu bakhona bafanana netintsetse. Wendlala emazulu njengempheme, awendlale njengeliseyili entele bantfu kutsi batewuhlala kuwo.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 51:15

“Umhlaba wawenta ngemandla akhe, wawusekela ngekuhlakanipha kwakhe, wendlala emazulu ngekucondza kwakhe.

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

2 yaPhetro 3:5

Ngobe batsandza kukhohlwa kutsi emazulu abevele asakhona kadzenidzeni, nekutsi Nkulunkulu wakhuluma ngelivi lakhe, kwavela umhlaba emantini, wabasemkhatsini wemanti.