Genesisi 1:29 - Siswati 1996 Bible

²⁹ Nkulunkulu watsi: “Ase nibuke la, ngininike tonkhe tibhidvo letisemhlabeni wonkhe letimilisa inhlanyelo, nato tonkhe tihlahla letinenhlanyelo etitselweni tato, kutsi kube kudla kwenu.

Genesisi 1:29 Referencias Cruzadas

Genesisi 2:16

Nkulunkulu Simakadze wamyala umuntfu watsi kuye: “Ungadla ngekutsandza kwakho tonkhe titselo letilapha ensimini;

Genesisi 6:21

Utsatse tonkhe tinhlobo tekudla, utigcine; kutawuba kudla kwakho nekwato.”

Genesisi 9:3

“Tonkhe tilwane letiphilako tiyawuba kudla kwenu; ngininika kona njengobe nganinika tibhidvo.

Jobe 36:31

Nguleyo ndlela-ke labusa ngayo tive, atinike inala yekudla.

Tihlabelelo 111:5

Ubapha kudla labo labamesabako, sivumelwane sakhe uyasikhumbula phakadze naphakadze.

Tihlabelelo 115:16

Emazulu ayindzawo yaSimakadze, yena yedvwa, kodvwa umhlaba wawuniketela kubantfu.

Tihlabelelo 136:25

Nguye lowondla bonkhe bantfu netilwane tonkhe, ngobe umusa wakhe ume kuze kube phakadze.

Tihlabelelo 146:7

Labacindzetelwe yena uyabemelela, abaphe kudla labalambile. Simakadze ukhulula tiboshwa,

Tihlabelelo 147:9

Tilwane utipha kudla, afunte emazini emahhwabayi nasalambile.

Tihlabelelo 24:1

Umhlaba nako konkhe lokukuwo kwaSimakadze, emave kanye nabo bonkhe labahlala kuwo kwakhe,

Isaya 33:16

Ngulowo-ke umuntfu lotawuhlala ekuphakameni, losiphephelo sakhe kutawuba yinqaba yemadvwala. Uyakunikwa sinkhwa sakhe, angawesweli emanti ekunatsa.

Hoseya 2:8

Usengakatsandzi kuvuma kutsi kwakungimi lona lowamnika kudla lokutinhlavu, neliwayini lelisha, nemafutsa, lowatfululela kuye isiliva negolide, lababekusebentisa kuBhali.

Matewu 6:11

Siphe lamuhla kudla kwetfu njengasemalangeni onkhe.

Imisebenti yebaPhostoli 14:17

Kodvwa akayekelanga kutifakazela ngekwenta imisebenti lemihle: Unehlisela imvula nekudla ngesikhatsi lesifanele; uninika kudla agcwalise tinhlitiyo tenu ngenjabulo.”

Imisebenti yebaPhostoli 17:28

Ngobe siphila sihambe sikuye, njengobe sinje, netimbongi takini tishito tatsi: “ ‘Natsi futsi singumliba wakhe.’

1 kuThimothi 4:3

Bayawuvimbela kushada nekuteka, batsi akuzilwe kudla lokutsite. Phela konkhe kudla kwadalwa nguNkulunkulu lekufanele kutsi labakholwako bakwemukele ngekubonga, njengobe babantfu labalatiko liciniso lonkhe.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.