Genesisi 1:21 - Siswati 1996 Bible

²¹ Ngako-ke Nkulunkulu wadala tilwane letikhulu taselwandle nato tonkhe tinhlobo tetilwane letiphilako letigcwele emantini ngetinhlobo tato, nato tonkhe tinhlobo tetinyoni letinetimphiko. Nkulunkulu wabona kutsi loko kuhle.

Genesisi 1:21 Referencias Cruzadas

Genesisi 1:18

tibuse imini nebusuku, tehlukanise kukhanya nebumnyama. Nkulunkulu wabona kutsi loko kuhle.

Genesisi 1:20

Nkulunkulu watsi: “Emanti akagcwale yonkhe inhlobo yetilwane letiphilako, kundize tinyoni etikwemhlaba emkhatsini wesibhakabhaka.”

Genesisi 1:22

Nkulunkulu watibusisa watsi: “Talanani, nandze nigcwalise tilwandle, netinyoni tandze nemhlaba wonkhe.”

Genesisi 1:25

Nkulunkulu wenta tonkhe tinhlobo: tetilo tesiganga, netetifuyo, netetilwane letihamba ngesisu. Nkulunkulu wabona kutsi loko kuhle.

Genesisi 1:31

Nkulunkulu wakubona konkhe labesakwentile, kutsi kuhle kakhulu. Kwahlwa, kwasa: Kwaba lilanga lesitfupha.

Genesisi 2:19

Ngako-ke Nkulunkulu Simakadze wabumba ngemhlabatsi tonkhe tilwane tesiganga, netinyoni letindiza emoyeni, watiletsa kumuntfu kutsi abone kutsi utetsa njani. Lawo mabito latetsa wona tabitwa ngawo.

Genesisi 6:20

Kuto tinyoni tinhlobo ngetinhlobo tato, nakuto tifuyo tinhlobo ngetinhlobo tato, nasetilwaneni letihamba ngesisu emhlabatsini tinhlobo ngetinhlobo tato, kutawufika kuwe tibe timbili talolo nalolo luhlobo, kuze kutsi tihlale tiphilile.

Genesisi 7:14

Bangena nato tonkhe tilwane: tonkhe tifuyo ngetinhlobo tato, nato tonkhe tilwane letihamba ngesisu ngetinhlobo tato, nato tonkhe tinyoni ngetinhlobo tato.

Genesisi 8:17

Phuma kanye nato tonkhe tilwane letiphilako letinawe tayo yonkhe inhlobo: tinyoni, netifuyo, nato tonkhe tilwane letihamba ngesisu, khona titekwandza emhlabeni titalane tigcwalise umhlaba.”

Genesisi 8:19

Tonkhe tilwane, ngisho naletihamba ngesisu, nato tonkhe tinyoni, konkhe lokuhamba emhlabatsini kwaphuma ngetinhlobo tako emkhunjini.

Genesisi 9:2

Luvalo nekwesatjwa kwenu akubesetilwaneni tonkhe temhlaba, nakuto tonkhe tinyoni letindiza emoyeni, nakuko konkhe lokuhamba ngesisu emhlabatsini, nakuto tonkhe tinhlanti telwandle. Konkhe loko kuniketelwe etandleni tenu.

Genesisi 9:7

“Talanani, nandze, nigcwalise umhlaba.”

Jobe 12:7

“Kodvwa hamba ubute etilwaneni, titakufundzisa, nome ubute tinyoni telizulu, titakutjela.

Jobe 26:5

“Labafile baselusizini lolukhulu kabi, labo labangaphansi kwemanti nako konkhe lokukuwo.

Jobe 7:12

Ngilwandle yini mine, nome ngingumkhoma waselwandle yini, kutsi sewungaze uhlale ungigadzile?

Tihlabelelo 148:7

Dvumisani Simakadze nine lenisemhlabeni, nani tilwane letesabekako taselwandle, nawe kujula kwelwandle,

Eksodusi 1:7

Kodvwa titukulwane tabo, ema-Israyeli, tatalana, tandza, taba nemandla kakhulu, kangangobe live laseGibhithe lase ligcwele tona.

Eksodusi 8:3

Umfula iNayili utawugcwala tigogodvolo, tize tenyukele ngisho nasesigodlweni sakho, nasekamelweni lakho lekulala, nasembhedzeni wakho, nasetindlini tetiphatsimandla takho, nakutakhamiti takho, nakubohhavini bakho, nasetitjeni tenhlama.

Hezekeli 32:2

“Ndvodzana yemuntfu, lila, ulilele Faro, inkhosi yaseGibhithe, utsi: “ ‘Ufanana nelibhubesi emkhatsini wetive; ufanana nanyokangwenya etilwandle, ushaya lidamu emifudlaneni yakho, uphehle emanti ngetinyawo takho, udvunge lemifudlana.

Jona 1:17

Simakadze wahlinzeka Jona ngenhlanti lenkhulu, leyafike yammita. Jona wahlala esiswini sayo emalanga lamatsatfu nebusuku lobutsatfu.

Jona 2:10

Simakadze wakhuluma enhlantini, yase ihlantela Jona elugwini, emhlabatsini lowomile.

Matewu 12:40

Njengobe naJona ahlala emalanga lamatsatfu nebusuku lobutsatfu esiswini semkhoma, kanjalo futsi neNdvodzana yeMuntfu iyawuhlala emalanga lamatsatfu nebusuku lobutsatfu ematfunjini emhlaba.