Genesisi 1:16 - Siswati 1996 Bible

¹⁶ Nkulunkulu wenta tibane letikhulu taba tibili: lesikhulu kutsi sibuse imini, lesincane kutsi sibuse busuku. Wenta netinkhanyeti futsi.

Genesisi 1:16 Referencias Cruzadas

Genesisi 1:15

Atibe tibane temkhatsi wesibhakabhaka tikhanyisele umhlaba.” Kwase kuba njalo.

Jobe 31:26

nangabe nganaka lilanga ekukhanyeni kwalo nome inyeti ekuhambeni kwayo lokumangalisako,

Jobe 38:7

ngesikhatsi tinkhanyeti tentsatsakusa tihlabela kanyekanye, netingilosi tonkhe tihlatjeleliswa kujabula?

Tihlabelelo 148:3

Mdvumise wena langa, nawe nyanga, nimdvumise nani nonkhe tinkhanyeti letikhatimulako!

Tihlabelelo 148:5

Konkhe akudvumise libito laSimakadze, ngobe wakhuluma kwadaleka.

Tihlabelelo 19:6

Liphuma ngale kwemaphetselo elizulu, litungelete lize liyewumbamba unina; kute lokusitsakele ekushiseni kwalo.

Tihlabelelo 74:16

Imini yakho, nebusuku bakho, nguwe lowenta kukhanya nelilanga.

Tihlabelelo 8:3

Nangibuka etulu esibhakabhakeni sakho ngibona umsebenti wetandla takho, inyanga netinkhanyeti lotimisile, ngitsi:

Isaya 13:10

Umtsentse welizulu kanye nato tonkhe tinkhanyeti ngemabutfo ato kungeke kukuvete kukhanya kwako. Lilanga leliphumako litakwentiwa libe mnyama, ngisho nenyanga iyakwehluleka kukhanyisa.

Isaya 24:23

Inyanga iyawufiphala, lilanga lidliwe ngemahloni; ngobe Simakadze longuSomandla uyawubusa eNtsabeni yaseSiyoni naseJerusalema, yebo, abuse ngeludvumo embikwebaholi bayo.

Isaya 40:26

Phakamiselani emehlo enu ezulwini: Ngubani lowadala konkhe loku? Nguye lokhipha emabutfo etinkhanyeti ngayinye ngayinye, atibite tonkhe tinkhanyeti nguleyo naleyo ngelibito layo. Ngenca yemandla akhe lamakhulu nangebukhulu bemandla akhe, kute nome yinye lesilelako.

Isaya 45:7

Ngenta kukhanya, ngidale bumnyama, ngiletsa lokuhle, ngidale lokubi, mine Simakadze, ngitenta tonkhe letintfo.”

Jeremiya 31:35

Naku lokushiwo nguSimakadze, lowo lowabeka lilanga kutsi likhanyise emini, wamisa inyanga netinkhanyeti kutsi tibokhanyisa ebusuku, lowo lotamatisa lwandle kuze emagagasi alo abhodle, nguSimakadze longuSomandla libito lakhe, utsi:

Habakhuki 3:11

Lilanga nenyanga kwema emazulwini ngekumanyatela kwemicibisholo yakho legijimako nangekubaneka kwekumanyatela kwesikhali sakho.

Matewu 24:29

“Kepha masinyane nje emvakwaleto tinhlupheko, “ ‘lilanga liyawufiphala, nenyanga iyawubate kukhanya, netinkhanyeti tidzilike esibhakabhakeni, nemandla emkhatsi ayawunyakatiswa.’

Matewu 27:45

Kepha kusukela ngeli-awa leli-12 emini umhlaba wonkhe waba mnyama, kwaze kwaba li-awa lesitsatfu.

1 kubaseKorinthe 15:41

Iyodvwa inkhatimulo yelilanga, iyodvwa inkhatimulo yenyanga, iyodvwa nenkhatimulo yetinkhanyeti; yebo, nguleyo nkhanyeti inekukhatimula lokwehlukile kukwalenye.

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.