Genesisi 1:1 - Siswati 1996 Bible

¹ Ekucaleni Nkulunkulu wadala lizulu nemhlaba.

Genesisi 1:1 Referencias Cruzadas

2 Emakhosi 19:15

Hezekiya wase uyathandaza kuSimakadze, watsi: “Awu, Simakadze, Nkulunkulu wesive sema-Israyeli, wena lohleli emkhatsini wemakherubhi, wena wedvwa unguNkulunkulu etikwayo yonkhe imibuso yemhlaba. Wena wadala lizulu nemhlaba.

1 Tikhronike 16:26

Ngobe bonkhe bonkulunkulu betive batithico, kodvwa nguSimakadze lowenta emazulu.

2 Tikhronike 2:11

Hiramu, inkhosi yaseThire, watfumela imphendvulo lekwakuyincwadzi kuSolomoni, watsi: “Simakadze uyasitsandza sive sakhe, ngako sewukwente waba yinkhosi yaso.

Nehemiya 9:6

Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.

Jobe 26:13

Ngekuphefumula kwakhe emazulu akhanya, angabi nalutfo; sandla sakhe sayigwaza inyoka lentjuzako.

Jobe 38:4

“Bewukuphi wena, nangibeka sisekelo semhlaba? Ngitjele, nawukucondza loko.

Jobe 9:8

Yena yedvwa wendlala emazulu, anyatsele emagagasi elwandle.

Tihlabelelo 102:25

Emandvulo wabeka tisekelo temhlaba, emazulu angumsebenti wetandla takho.

Tihlabelelo 104:24

Awu, Simakadze! Maye, minyenti imisebenti yakho! Yonkhe uyente ngekuhlakanipha; umhlaba ugcwele tidalwa takho.

Tihlabelelo 104:30

Nawutfumela Moya wakho, tiyadaleka, uhlumise kabusha imvelo yemhlaba.

Tihlabelelo 115:15

Shangatsi ningabusiswa nguSimakadze, yena lowenta lizulu nemhlaba.

Tihlabelelo 121:2

Lusito lwami luchamuka kuSimakadze lowenta lizulu nemhlaba.

Tihlabelelo 124:8

Lusito lwetfu lusegameni laSimakadze lowente lizulu nemhlaba.

Tihlabelelo 134:3

Shangatsi Simakadze anganibusisa aseSiyoni, yena lowadala lizulu nemhlaba.

Tihlabelelo 136:5

Nguye lowenta emazulu ngekuhlakanipha kwakhe, ngobe umusa wakhe ume kuze kube phakadze.

Tihlabelelo 146:6

Yena unguMdali wako konkhe: Wadala lizulu, nemhlaba, nelwandle, nako konkhe lokukuko. Ugcina setsembiso sakhe kuze kube phakadze.

Tihlabelelo 33:6

Emazulu entiwa ngelivi laSimakadze, nako konkhe lokukuwo kwentiwa ngemoya wemlomo wakhe.

Tihlabelelo 33:9

Ngobe wakhuluma, kwenteka; wakhalima, kwaba khona lutfo.

Tihlabelelo 8:3

Nangibuka etulu esibhakabhakeni sakho ngibona umsebenti wetandla takho, inyanga netinkhanyeti lotimisile, ngitsi:

Tihlabelelo 8:4

“Pho, umuntfu abeyini-ke kutsi ungadzimate umkhumbule; nendvodzana yemuntfu beyiyini-ke kutsi ungadzimate uyinakekele?”

Tihlabelelo 90:2

Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.

Tihlabelelo 96:5

Ngobe bonkhe bonkulunkulu betive batithico, kantsi nguSimakadze lowenta emazulu.

Eksodusi 20:11

Ngemalanga lasitfupha Simakadze wadala lizulu nemhlaba, nelwandle nako konkhe lokukuko, waphumula ngelilanga lesikhombisa. Ngako-ke Simakadze walibusisa walingcwelisa lelilanga leliSabatha.

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Taga 16:4

Konkhe Simakadze lakwentile kunesiphetfo sako, ngisho nalomubi umentele lilanga lakhe lekubhujiswa.

Taga 3:19

Simakadze wasekela umhlaba ngekuhlakanipha, wamisa emazulu endzaweni yawo ngekucondza.

Umshumayeli 12:1

Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

Isaya 37:16

“Awu, Simakadze Somandla, Nkulunkulu wesive sema-Israyeli, wena lohleli emkhatsini wemakherubhi, wena wedvwa unguNkulunkulu etikwayo yonkhe imibuso yemhlaba. Wena wadala lizulu nemhlaba.

Isaya 40:21

Anati yini? Anikeva yini? Anizange senitjelwe yini kona kwasekucaleni? Anizange nicondzisise yini kusukela umhlaba wasekelwa?

Isaya 40:26

Phakamiselani emehlo enu ezulwini: Ngubani lowadala konkhe loku? Nguye lokhipha emabutfo etinkhanyeti ngayinye ngayinye, atibite tonkhe tinkhanyeti nguleyo naleyo ngelibito layo. Ngenca yemandla akhe lamakhulu nangebukhulu bemandla akhe, kute nome yinye lesilelako.

Isaya 40:28

Awati yini? Awukeva yini? Simakadze unguNkulunkulu waphakadze, uMdali wemikhawulo yemhlaba. Angeke adzinwe, futsi ngeke akhatsale, nekucondza kwakhe kute longakuphenyisisa.

Isaya 42:5

Naku lokushiwo nguNkulunkulu longuSimakadze, yena lowo lowadala emazulu, waweneka, wendlala nemhlaba nako konkhe lokumila kuwo, lonika kuphefumula kubantfu labakuwo, nekuphila kulabo labahamba etikwawo, utsi:

Isaya 44:24

“Naku lokushiwo nguSimakadze, uMhlengi wakho, lowakubumba esiswini, utsi: NginguSimakadze, lowente tonkhe tintfo, yena yedvwa loweneke emazulu, lowendlala umhlaba ayedvwana,

Isaya 45:18

Ngobe naku lokushiwo nguSimakadze, lowo lowadala emazulu, unguNkulunkulu, lowo lowadala wabumba umhlaba, wawusekela; akazange awudalele kutsi ubete lutfo, kodvwa wawubumbela kutsi uhlale bantfu, utsi: “NginguSimakadze, kute lomunye.

Isaya 51:13

kutsi ningakhohlwa Simakadze, uMenti wenu, loweneka emazulu, wabeka tisekelo temhlaba, kutsi seningahlala ngekutfutfumela onkhe emalanga ngenca yelulaka lwemcindzeteli, lotilungiselela kunibhubhisa? Ngobe lukuphi nje lulaka lwemcindzeteli?

Isaya 51:16

Ngibeke emavi ami emlonyeni wakho, ngakusibekela ngemtfunti wesandla sami; mine lengibeke emazulu endzaweni yawo, nalengabeka tisekelo temhlaba, ngikhuluma neSiyoni ngitsi: ‘Wena usive sami!’ ”

Isaya 65:17

“Buka la, ngiyawudala emazulu lamasha nemhlaba lomusha. Tintfo takadzeni tingeke tikhunjulwe, futsi tingeke tisabuya nasengcondvweni.

Jeremiya 10:12

Kodvwa Nkulunkulu wawudala umhlaba ngemandla akhe lamakhulu; wesekela umhlaba ngekuhlakanipha kwakhe, weneka emazulu ngekucondza kwakhe.

Jeremiya 32:17

“Awu, Nkhosi Simakadze, wena wenta emazulu nemhlaba ngemandla akho lamakhulu nangengalo yakho leyelulekile. Kute lokulukhuni kakhulu kuwe.

Jeremiya 51:15

“Umhlaba wawenta ngemandla akhe, wawusekela ngekuhlakanipha kwakhe, wendlala emazulu ngekucondza kwakhe.

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

Matewu 11:25

Ngaleso sikhatsi Jesu wakhuluma watsi: “Ngiyabonga, Babe, Nkhosi yelizulu nemhlaba, ngobe ukufihlile loku kulabahlakaniphile nalabanekucondza, wakwembula kulabo lababantfwana.

Makho 13:19

Ngobe kulawo malanga kuyawuba netinhlupheko letinkhulu, letingazange setibekhona kusukela ekucaleni kwendalo yaNkulunkulu kudzimate kube ngulamuhla, futsi tingeke tiphindze tibe khona.

Imisebenti yebaPhostoli 14:15

“Madvodza, nikwentelani loku? Natsi sibantfu nje, labafanana nani! Site lapha kuniletsela liVangeli, kuze nigucuke nisuke kuletintfo letingenamsebenti niye kuNkulunkulu lophilako, lowenta lizulu, nemhlaba, nelwandle, nako konkhe lokukuko.

Imisebenti yebaPhostoli 17:24

LoNkulunkulu lowenta yonkhe indalo yemkhatsi, nguNkulunkulu welizulu nemhlaba, akahlali emathempelini lakhiwe ngetandla tebantfu.

Imisebenti yebaPhostoli 4:24

Kwatsi kube bakuve loko, bahlangana ndzawonye bathandaza kuNkulunkulu batsi: “Somandla, Mdali welizulu, nemhlaba, nelwandle, nako konkhe lokukuwo!

KubaseRoma 11:36

Ngobe konkhe kuvela kuye, kukhona ngaye, kukhonela yena. Akube kuye ludvumo nini nanini! Amen.

1 kubaseKorinthe 8:6

noko kitsi kukhona Nkulunkulu munye, Babe, lokuvela kuye konkhe, natsi sikhonela yena. INkhosi yinye, nguJesu Khristu, lokuvela ngaye konkhe, natsi lesiphila ngaye.

Kubase-Efesu 3:9

Ngaphiwa nekutsi ngibakhanyisele bonkhe bantfu kutsi lisebenta njani lisu lemfihlakalo, lebeyifihlakele kwaphakadze kuNkulunkulu lowadala tintfo tonkhe,

KumaHebheru 1:10

Uphindze atsi: “Wena, Nkhosi, ekucaleni wabeka sisekelo semhlaba, emazulu angumsebenti wetandla takho.

KumaHebheru 1:2

Kodvwa kulamalanga ekugcina sewukhulume kitsi ngeNdvodzana yakhe ladala ngayo umhlaba nako konkhe lokukhona; wayimisa kutsi ibe yindlalifa yako konkhe.

KumaHebheru 11:3

Ngekukholwa sicondza kutsi Nkulunkulu wadala indalo yonkhe ngelivi lakhe, kwaze kwatsi loko lokubonakalako kwavela kulokungabonakali.

KumaHebheru 3:4

Tonkhe tindlu tinebakhi bato, kodvwa Nkulunkulu ungumakhi wako konkhe.

2 yaPhetro 3:5

Ngobe batsandza kukhohlwa kutsi emazulu abevele asakhona kadzenidzeni, nekutsi Nkulunkulu wakhuluma ngelivi lakhe, kwavela umhlaba emantini, wabasemkhatsini wemanti.

1 yaJohane 1:1

Lowo labekhona kusukela ekucaleni, lesamuva, nalesambona ngemehlo etfu, sambuka, samphatsa ngetandla tetfu bekunguLivi lekuphila.

Sembulo 10:6

yamfunga yena lophila kuze kube phakadze, lowadala lizulu nako konkhe lokukulo, nemhlaba nako konkhe lokukuwo, nelwandle nako konkhe lokukulo, yatsi: “Kutawubate lokutawubambelela!

Sembulo 14:7

Yakhuluma ngelivi lelikhulu yatsi: “Yesabani Nkulunkulu, nimnike ludvumo, ngobe sikhatsi sekwehlulela kwakhe sesifikile; mkhonteni yena lowo lowenta lizulu nemhlaba, nelwandle, nemitfombo yemanti!”

Sembulo 21:6

Wase utsi kimi: “Sekwentekile. Mine ngingu-Alfa na-Omega, sicalo nesiphetfo. Lowo lowomile ngiyawumnika lilungelo lekunatsa mahhala emtfonjeni wemanti ekuphila.

Sembulo 22:13

Ngingu-Alfa na-Omega, wekucala newekugcina, sicalo nesiphetfo.

Sembulo 3:14

“ ‘Bhalela ingilosi yelibandla laseLawodisiya utsi: “ ‘Nali livi leliphuma kuye longu-Amen; nguye longufakazi lowetsembekile nalocinisile, ungumtfombo wendalo yaNkulunkulu utsi:

Sembulo 4:11

“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”