Ezra 9:7 - Siswati 1996 Bible

⁷ Kusukela etikhatsini tabokhokho kuze kube ngumanje, bubi betfu bebuvele bubukhulu. Ngenca yetono tetfu, tsine nemakhosi etfu nebaphristi betfu besibantfu bekubulawa ngenkemba nekutfunjwa, nekuphangwa kanye nekwentelwa phansi etandleni temakhosi etive, njengobe kusenjalo lamuhla.

Ezra 9:7 Referencias Cruzadas

1 Emakhosi 8:47

nangabe-ke sebaphendvuka ngenhlitiyo yabo lena eveni lapho batigcili khona, bagucuke bancuse kuwe baseveni lebatfumbi babo batsi: ‘Sonile kuwe, senta lokuphambene nawe; sente kabi,’

2 Tikhronike 29:6

Bobabe bebangaketsembeki; benta lokubi emehlweni aSimakadze Nkulunkulu wetfu, bamfulatsela. Besusa buso babo endzaweni lapho kuhlala khona Simakadze, bamfulatsela.

2 Tikhronike 30:7

Ningalingisi boyihlo nabomnakenu, labangazange betsembeke kuSimakadze, Nkulunkulu waboyisemkhulu, ngenca yaloko wabenta baba yinkoyoyo yekuhlupheka, njengobe nibona nje.

2 Tikhronike 34:24

Naku lokushiwo nguSimakadze, utsi: Ngitakwehlisela inhlekelele kulendzawo nakubantfu bayo, tonkhe leticalekiso letibhalwe kulencwadzi lefundvwe embikwenkhosi yakaJuda.

Ezra 9:13

“Loko lokusehlele kungumphumela wetento tetfu letimbi, nelicala letfu lelikhulu, noko, Nkulunkulu wetfu, awukasijezisi njengalokufanele tono tetfu, sewuze wasinika nensali lefana nalena.

Nehemiya 9:30

Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.

Isaya 64:4

Kusukela kadzenidzeni kute lowase weva, kute nendlebe leyase yeva, kute liso lelase labona lomunye Nkulunkulu ngaphandle kwakho, lomelela labo labalindzele yena.

Jeremiya 25:18

IJerusalema nemadolobha akaJuda, emakhosi netindvuna tawo, kubenta kutsi babe yincitsakalo, nentfo yekwesabisa neyekuhlekisa, nesicalekiso, njengobe banjalo nalamuhla;

Jeremiya 3:25

Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”

Jeremiya 32:23

Beta kulo bafike bangena balidla lelive; kodvwa abazange bakulalele wena nome bawulandzele umtsetfo wakho. Abazange bakwente loko wawubayale ngako kutsi bakwente. Ngako wase wehlisela etikwabo yonkhe lenhlekelele.

Jeremiya 32:32

Bantfu baka-Israyeli nebakaJuda bangicunula ngabo bonkhe bubi lababentile: bona kanye nemakhosi abo, netindvuna tabo, nebaphristi babo, nebaphrofethi babo, nemadvodza akaJuda kanye nabo bonkhe baseJerusalema.

Jeremiya 44:22

Watsi Simakadze nasehlulekile kubeketelela tento tenu tebubi naletintfo letisinengiso lenanitentile, live lenu laba yintfo yekucalekisa nendzawo lelihlane lelite bantfu, njengobe linjalo lamuhla.

Jeremiya 44:9

Senibukhohliwe yini lobubi lobentiwa boyihlo, nemakhosi akaJuda nemakhosikati awo kanye nebubi lobentiwa ngini nebafati benu eveni lakaJuda nasetitaladini taseJerusalema?

Sililo 5:7

Bobabemkhulu labona sebafa, tsine sesetfwele licala labo.

Hezekeli 11:9

Ngitanikhipha kulelidolobha, ngininiketele etandleni tebetive nginijezise.

Hezekeli 39:23

Netive titakwati kutsi sive saka-Israyeli saya ekutfunjweni ngenca yetono taso, ngobe babengaketsembeki kimi. Ngako ngase ngiyabufihla buso bami kubo, ngabaniketa etandleni tetitsa tabo. Bonkhe bafa ngenkemba.

Numeri 32:14

“Nani-ke, ntalelwane yetoni, nime kuleyo ndzawo yaboyihlo, nentela kutsi Simakadze asitfukutselele kakhulu kunakucala sive sema-Israyeli.

1 Samuweli 12:15

Kodvwa naningamlaleli Simakadze, nimelana nanemiyalo yakhe, sandla sakhe siyakumelana nani, njengobe semelana naboyihlomkhulu.