Ezra 9:5 - Siswati 1996 Bible

⁵ Kwatsi ngesikhatsi semhlatjelo wakusihlwa, ngasukuma lapho ekujabheni kwami, ingubo nesembatfo sami kudzabukile, ngaguca ngemadvolo tandla tami tivulekile embikwaSimakadze Nkulunkulu wami,

Ezra 9:5 Referencias Cruzadas

1 Emakhosi 8:22

Solomoni wase uma embikwelilati laSimakadze, embikwaso sonkhe sive sema-Israyeli, waphakamisa tandla takhe watibhekisa ngasezulwini,

1 Emakhosi 8:38

nase kwentiwa umthandazo nome kuncenga kwentiwe ngunome ngubani wakulesive sakho, ema-Israyeli, nguloyo atibonela sishayo enhlitiyweni yakhe, aphakamise tandla takhe atibhekise kulelithempeli,

1 Emakhosi 8:54

Kwatsi kube Solomoni acedze kwenta yonkhe lemithandazo nekuncusa kuSimakadze, wabe sewuyasukuma embikwelilati laSimakadze, lapho abekadze aguce khona, tandla takhe atiphakamisele ezulwini.

2 Tikhronike 6:13

Manje-ke abesakhe idayasi yelitfusi leyayingemamitha labengaba mabili nesigamu budze, nemamitha labengaba mabili nesigamu bubanti, nekuphakama lekwakungaba limitha linye nesigamu, wase uyibeka ekhatsi nendzawo kulesibuya lesasingephandle. Wakhuphuka wema kulendzawo lephakeme, wase uguca phansi embikwaso sonkhe sive sema-Israyeli waphakamisa tandla takhe watibhekisa ngasezulwini.

Nehemiya 1:4

Ngatsi nangikuva loko, ngahlala phansi ngakhala. Kwaphela emalanga ngilila ngizila nekudla ngithandaza kuNkulunkulu wasezulwini,

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Tihlabelelo 143:6

Tandla tami ngitiphakamisela kuwe, umphefumulo wami womela wena njengemhlabatsi lowomele imvula. Cabanga.

Tihlabelelo 95:6

Wotani, sikhuleke, simkhotsamele, asiguce embikwaSimakadze, uMenti wetfu.

Eksodusi 9:29

Mosi wakhuluma kuye watsi: “Ngitawutsi ngingaphuma la edolobheni, bese ngiphakamisa tandla tami ngithandaze kuSimakadze; lokudvuma kutawukhawula nalesangcotfo siphele, kuze wati kutsi umhlaba ngewaSimakadze.

Eksodusi 9:33

Mosi wesuka kuFaro, waphumela ngephandle kwelidolobha, waphakamisa tandla takhe athandaza kuSimakadze, kudvuma nesangcotfo kwancamuka, imvula yaphakamisa.

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

Danyela 10:2

Ngaleso sikhatsi, mine Danyela, ngalila emaviki aze aba matsatfu.

Lukha 22:41

Kodvwa yena wesuka kubo, wachubeka libanga lelingaba ngangemjikijelo, waguca phansi wathandaza.

Imisebenti yebaPhostoli 21:5

Kepha kwatsi kube kuphele sikhatsi sekuhlala kwetfu nabo, sabashiya sachubeka neluhambo lwetfu. Basiphekeletela bonkhe kanye nalabasikati nebantfwana, baze basibeka ngephandle kwalelidolobha. Sefika elugwini saguca sathandaza.

Kubase-Efesu 3:14

Ngenca yalesizatfu-ke, ngiguca ngemadvolo embikwaBabe,