Ezra 9:4 - Siswati 1996 Bible

⁴ Kwatsi bonkhe labatfutfumeliswa ngemavi aNkulunkulu wema-Israyeli bahlangana ndzawonye bangitungeleta ngenca yalokungetsembeki kwalabatfunjwa. Mine ngahlala khona lapho ngijabhile, kwaze kwaba sikhatsi semhlatjelo wakusihlwa.

Ezra 9:4 Referencias Cruzadas

2 Tikhronike 34:27

Njengobe inhlitiyo yakho itsintsekile, wase uyatitfoba embikwaNkulunkulu, nawuva kutsi abetsiteni ngalendzawo kanye nangebantfu bayo, ngobe wena utitfobile embikwami, waklebhula tingubo takho, wakhala embikwami, ngikuvile, kusho Simakadze.

Ezra 10:3

Manje asente sivumelwane embikwaNkulunkulu wetfu kutsi sitewubancandzekisa bonkhe labafati nalabantfwana, njengobe lomholi wami eluleka kanye nalabo labesaba imiyalo yaNkulunkulu. Loko akwentiwe ngekulandzela umtsetfo.

Ezra 10:9

Kwatsi kungakapheli emalanga lamatsatfu, onkhe emadvodza akaJuda newakaBhenjamini ahlangana ndzawonye eJerusalema. Ngelilanga lema-20 enyangeni yemfica, bonkhe base bahleti ebaleni lelithempeli, bakhatsateke kakhulu ngalemvula leyayina, ikakhulu ngesimo salowo mhlangano.

Tihlabelelo 119:136

Emehlo ami ageleta tinyembeti, ngobe bantfu abawugcini umtsetfo wakho.

Eksodusi 29:39

Lizinyane lelinye utabolinikela ekuseni, lelinye ulinikele entsambama nakushona lilanga.

Eksodusi 29:41

Niyawunikela leli lelinye lizinyane entsambana kanye nalowo mnikelo walokutinhlavu nemnikelo wawo wesinatfo njengasekuseni. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Hezekeli 9:4

watsi kuyo: “Lihlamahlame lonkhe lidolobha laseJerusalema, ubeke luphawu emabuntini abo bonkhe labakhatsatekile babubula ngenca yato tonkhe letintfo letinengekako letentiwa lapha kulo.”

Danyela 10:2

Ngaleso sikhatsi, mine Danyela, ngalila emaviki aze aba matsatfu.

Danyela 9:21

ngatsi ngisesemthandazweni, kwefika Gabriyeli, leyo ndvodza lengangiyibone embonweni wakucala, wefika kimi njengembane, ngesikhatsi semnikelo wakusihlwa.

Numeri 25:6

Lenye indvodza yem-Israyeli yeta nalomsikati umMidiyani yamngenisa ethendeni layo, Mosi abuka, nesive sonkhe sema-Israyeli sisalila ekungeneni kwelithende lekuhlangana.

Imisebenti yebaPhostoli 3:1

Ngalelinye lilanga boPhetro naJohane baya ethempelini ntsambama ngeli-awa lesitsatfu, ngesikhatsi semkhuleko.