Ezra 9:2 - Siswati 1996 Bible

² Batsetse lamanye emadvodzakati ato bawenta bafati babo, baze batsatsela nemadvodzana abo bafati kuto, bahlanganisa sive lesingcwele kanye netive letakhelene naso. Labaholi netindvuna bavele baba bekucala ekuphileni imphilo yekungetsembeki.”

Ezra 9:2 Referencias Cruzadas

Genesisi 6:2

emadvodzana aNkulunkulu atibona letintfombi kutsi tinhle; ase atikhetsela letinye emkhatsini wato atenta bafati bawo.

1 Emakhosi 11:1

Solomoni, inkhosi, watsandzana nebafati labanyenti betive, ngaphandle kwalendvodzakati yaFaro; abesanemakhosikati labengemaMowabi, nalabengema-Amoni, nalabengema-Edomu, nalabengemaSidoni kanye nalabengemaHethi.

Ezra 10:2

Kwatsi Shekhaniya, umsa waJehiyeli, lomunye wetitukulwane ta-Elamu, wakhuluma ku-Ezra watsi: “Asiketsembeki kuNkulunkulu wetfu ngekutsi siteke bafati baletive letisitungeletile. Kodvwa nome kunjalo, lisekhona litsemba ka-Israyeli.

Ezra 9:12

Ngako-ke ningacali nivumele emadvodzakati enu kutsi atekwe ngemadvodzana ato, nemadvodzana enu angawateki emadvodzakati ato. Ningacali nome ngunini nitisekele emnotfweni wato, khona nitewucina nidle tintfo letimnandzi talelive, nilishiyele bantfwabenu kutsi litewuba lifa labo laphakadze naphakadze.’

Ezra 9:14

Sitawuphindze futsi siyephule yini lemiyalo yakho ngekwendziselana naletive letenta tintfo letinengekako? Ungeke yini usitfukutselele kusibhubhisa, kubete ngisho nensali nome losindzako?

Nehemiya 13:17

Ngako ngabatsetsisa baholi bakaJuda, ngatsi: “Yini lamanyala leniwentako, ekona liSabatha?

Nehemiya 13:28

Lomunye wemadvodzana aJoyada, umsa wa-Eliyashibi, umPhristi Lomkhulu, abengumkhwenyana waSanbalati, umHoroni. Ngamcosha lapha kimi.

Eksodusi 19:6

Niyawuba ngumbuso webaphristi, nibe sive lesingcwele.’ Ngulawo-ke emavi lotawufike uwakhulume esiveni saka-Israyeli.”

Eksodusi 22:31

“Niyawuba bantfu labehlukaniselwe mine; ngako-ke akukafaneli niyidle inyama yesifuyo lesibulewe tilwane tesiganga, niyawuyilahla, idliwe tinja.”

Eksodusi 34:16

Emadvodzana enu ningawatsatseli bafati emadvodzakatini abo, ngobe uma labantfu sebaphinga nome bagwadla ngekukhonta letithico tabo, nalamadvodzana enu atawudvonseleka kuloko.

Isaya 6:13

Nome ngabe kusekhona kwelishumi lokusasele kulo live, nako futsi kuyawulahlwa kungabi namsebenti. Kodvwa-ke njengobe umtherebinte nem-okhi kushiya tiphunti nakugawuliwe, kanjalo nenhlanyelo lengcwele iyawuba siphunti eveni.”

Levithikusi 21:15

khona angeyiwungcolisa bantfwabakhe besive sakubo. NginguSimakadze lomngcwelisako. ’ ”

Malakhi 2:11

Juda abengaketsembeki. Intfo lesinengiso seyentiwe ka-Israyeli naseJerusalema: Juda sewungcolise indzawo lengcwele letsandvwa nguSimakadze, emadvodza akaJuda ateka bafati labakhonta sithico sebetive.

Malakhi 2:15

Simakadze akabenti baba munye yini? Enyameni nasemoyeni bakhe. Bamunye leni? Ngobe abefuna bantfwana labesaba Nkulunkulu. Ngako tilindze wena emoyeni wakho, wetsembeke kumfati webusha bakho.

1 kubaseKorinthe 7:14

Ngobe indvodza lengakholwa ingcwelisiwe ngemfati wayo, nemfati longakholwa ungcwelisiwe ngendvodza yakhe lengumKhristu. Kube bekungenjalo ngabe bantfwabenu bangcolile, kepha njengamanje bangcwele.

2 kubaseKorinthe 6:14

Ningaboshelwa ejokeni linye nalabangakholwa. Empeleni nje, kukhona yini kuvana kwekulunga nebubi? Buyini budlelwane bekukhanya nebumnyama?

Dutheronomi 14:2

ngobe nisive lesingcwele saSimakadze Nkulunkulu wenu. Kuto tonkhe tive letisebusweni bemhlaba, Simakadze ukhetse nine kutsi nibe sive lesiligugu lakhe.”

Dutheronomi 7:6

Ngobe nine nisive lesingcwele saSimakadze Nkulunkulu wenu. Simakadze Nkulunkulu wenu unikhetse emkhatsini wato tonkhe tive letisebusweni bemhlaba, kutsi nibe sive sakhe, sive lesiligugu lelingelakhe.

Joshuwa 22:15

Lamadvodza efika eGileyadi, esiveni sakaRubeni, nesakaGadi kanye nasencenyeni yesive sakaManase, akhuluma atsi:

Joshuwa 23:12

“Kodvwa naningajika nitetayelanise nensali yaletive lesasele emkhatsini wenu, niphindze nitsatselane bafati nato, nitihlanganise nato,