Ezra 8:36 - Siswati 1996 Bible

³⁶ Baphindze betfula imitsetfo nemilayeto yenkhosi kubabusi baseNshonalanga Yufrathe, labavele basita labantfu emsebentini wendlu yaNkulunkulu.

Ezra 8:36 Referencias Cruzadas

Ezra 6:13

Ngenca yalomtsetfo lowase ukhishwe nguDariyusi, inkhosi, boThathenayi, umbusi waseNshonalanga Yufrathe, naShethari Boznayi kanye nebangani babo, bachubeka nekuwugcina.

Nehemiya 2:7

Ngachubeka ngakhuluma enkhosini, ngatsi: “Nakukuhle emehlweni enkhosi, ngicela tincwadzi lengitawufike ngitetfule kubabusi baseNshonalanga Yufrathe letibatjela kutsi ngivikeleke, ngize ngiyewufika kaJuda.

Esta 3:12

Ngako-ke kwatsi ngelilanga leli-13 lenyanga yekucala, Hamani wabita bonkhe bomabhalane benkhosi, ababitela lesatiso kuze basihumushe basibhale ngato tonkhe tilimi neluhlobo lwekubhala lolwalusetjentiswa eveni lasePheresiya. Tase titfunyelwa kuto tonkhe tindvuna, netikhulu, netiphatsimandla temibuso. Takhishwa egameni lenkhosi Ahashiveroshi tineluphawu lwendandatho yakhe.

Esta 9:3

Empeleni tonkhe tiphatsimandla, netindvuna, nebabusi betifundza bese babuyele ngakumaJuda, ngobe bese besaba Modekhayi.

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Imisebenti yebaPhostoli 18:27

Kwatsi nasafuna kwewelela eGrisi, bazalwane bamkhutsata, base babhalela bazalwane kutsi babomemukela. Watsi kube efike, waba lusito lolukhulu kulabo bese bakholiwe ngemusa waNkulunkulu;

Sembulo 12:16

Kodvwa umhlaba wasita lomfati ngekutsi uvule umlomo wawo umite lomfula lowawucitfwe ngunyokangwenya ngemlomo wakhe.