Ezra 8:28 - Siswati 1996 Bible

²⁸ Ngakhuluma kubo ngatsi: “Nine kanye naletimphahla seninikelwe kuSimakadze. Isiliva nalegolide sekungumnikelo wesihle lonikwe Simakadze Nkulunkulu waboyihlo.

Ezra 8:28 Referencias Cruzadas

1 Tikhronike 23:28

Umsebenti wemaLevi kwakukusita emadvodzana a-Aroni emsebentini wasethempelini laSimakadze: Babefanele kwengamela tibuya netindlu letatichunywe ethempelini, nekuhlambulula tonkhe tintfo letingcwele kanye nekwenta leminye nje imisebenti yasendlini yaNkulunkulu.

1 Tikhronike 26:20

EmaLevi lamanye abephatsa ingcebo yendlu yaNkulunkulu nengcebo yetintfo letinikelwe kuNkulunkulu.

2 Tikhronike 24:14

Batsi nase bacedze wonkhe lomsebenti, base bamikisa lemali leyayisele enkhosini nakuJehoyada; ngaleyo mali kwakhiwa timphahla tasethempelini laSimakadze: tintfo tekukhonta neteminikelo yekushiswa, netingwembe, naletinye nje tintfo letatakhiwe ngegolide nangesiliva. Ngaso sonkhe sikhatsi sekuphila kwaJehoyada iminikelo yekushiswa yayetfulwa njalo nje ethempelini laSimakadze.

Ezra 8:27

netitja tegolide letatingema-20 tingemakhilogremu labengaba siphohlongo nemagremu langema-500, netitja letimbili telitfusi lelilolongiwe, tiligugu njengegolide.

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Numeri 7:13

Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

Dutheronomi 33:8

NgaLevi wakhuluma watsi: “IThumimu yakho ne-Urimu yakho ngeyalowo muntfu lowamtsandza. Wamvivinya eMasa; wamelana naye emantini aseMeribha.