Ezra 8:17 - Siswati 1996 Bible

¹⁷ Ngabe sengibatfumela ku-Ido, umholi waseKhasifiya. Ngabatjela kutsi kufanele bakhulumeni ku-Ido kanye nebantfu bakubo, lekwakutisebenti telithempeli eKhasifiya, kuze batewusiletsela tisebenti tendlu yaNkulunkulu wetfu.

Ezra 8:17 Referencias Cruzadas

2 Samuweli 14:19

Inkhosi yabuta yatsi: “Loku awukakwenti naJowabe yini?” Waphendvula watsi: “Ngifunga kuphila kwakho, nkhosi yami, kute longaphambukela ngesekudla nome ngesancele esuke kuloko lokushiwo yinkhosi yami. Yebo, yinceku yakho Jowabe, lengitfume kutsi ngente loku, nguye futsi lofake onkhe lamavi emlonyeni wencekukati yakho.

2 Samuweli 14:3

Ubobe sewuyahamba uya enkhosini, ufike ukhulume kuyo nankha emavi lengitakunika wona.” Jowabe wavele wamfunta lawo mavi labefanele kuwakhuluma.

1 Tikhronike 9:2

Bekucala ekubuyeni nasekucabeni etindzaweni tabo emadolobheni abo kwakungema-Israyeli labebabantfu nje, nebaphristi, nemaLevi kanye netikhonti tasethempelini.

Ezra 2:43

Tisebenti telithempeli tona: bekutitukulwane takaSiha, netakaHasufa, netakaThabhayothi,

Ezra 2:58

Tisebenti telithempeli kanye netitukulwane tetisebenti takaSolomoni betingema-392.

Ezra 7:7

Labanye bema-Israyeli, ngisho nebaphristi, nemaLevi, nebahlabeli, nabomahlalesangweni, netisebenti tasethempelini, nabo beta eJerusalema ngemnyaka wesikhombisa wekubusa kwa-Athazeksesi, inkhosi.

Ezra 8:16

Ngase ngibita Eliyezeri, na-Ariyeli, naShemaya, na-Elnathani, naJaribi, na-Elnathani, naNathani, naZakhariya, kanye naMeshulamu, lababebaholi, bebakanye nebafundzisi lekwakuboJoyaribi na-Elnathani.

Eksodusi 4:15

Wena-ke ubokhuluma naye umtjele onkhe emagama lofanele kuwasho. Ngiyawunisita nobabili ekukhulumeni, nginitjele kutsi kufanele nenteni.

Jeremiya 1:9

Simakadze wase welula sandla sakhe watsintsa umlomo wami, watsi kimi: “Manje-ke, sengifake emavi ami emlonyeni wakho.

Jeremiya 15:19

Ngako-ke naku lokushiwo nguSimakadze, utsi: “Nawuphendvuka, ngiyawukubutsa, khona utekungikhonta; nawukhuluma emavi lafanelekile, hhayi emavi langenamsebenti, uyawuba lincusa lami. Labantfu abagucukele kuwe, kodvwa wena ungagucukeli kubo.

Numeri 18:6

Mine matfupha ngikhetse labazalwane bakho labangemaLevi emkhatsini wema-Israyeli kutsi babe sipho kini, banikelwe kuSimakadze kutsi bente umsebenti welithende lekuhlangana.

Dutheronomi 18:18

Ngiyawubavusela umphrofethi lofanana nawe emkhatsini wabomnakabo. Ngiyawufaka emavi ami emlonyeni wakhe, uyawube sewubatjela konkhe loko lengimyala ngako.

kuThithusi 1:5

Lokwangenta ngikushiye lapho eKhrethe kutsi usale ulungisa tintfo letitsite letifanele kulungiswa, ubeke babonisi kulelo nakulelo dolobha, njengobe ngakuyala.