Ezra 8:16 - Siswati 1996 Bible

¹⁶ Ngase ngibita Eliyezeri, na-Ariyeli, naShemaya, na-Elnathani, naJaribi, na-Elnathani, naNathani, naZakhariya, kanye naMeshulamu, lababebaholi, bebakanye nebafundzisi lekwakuboJoyaribi na-Elnathani.

Ezra 8:16 Referencias Cruzadas

1 Emakhosi 3:11

Ngako Nkulunkulu watsi kuye: “Njengobe ucele loku, ungakaticeleli imphilo lendze nome bunjinga, ungakaceli nekubhujiswa kwetitsa takho, kodvwa ucele inhlitiyo lehlakaniphile nengcondo lehlutekile, uze uhole ngekulunga,

1 Tikhronike 12:32

emadvodza aka-Isakhari, labeticondza kahle tikhatsi, ati nekutsi Israyeli kufanele enteni, bekutikhulu letatingema-200, akanye nato tonkhe tinini tawo letatitiphetse;

1 Tikhronike 26:14

Inkatho yelisango langasemphumalanga yadla Shelemiya. Kwentiwa inkatho yaZakhariya, umsa wakhe, umeluleki labenekuhlakanipha, yadla yena kutsi agadze lisango langasenyakatho.

2 Tikhronike 2:12

Akabongwe Simakadze, Nkulunkulu wema-Israyeli, uMdali welizulu nemhlaba. Uphe inkhosi Davide indvodzana lehlakaniphile, legcwele emasu ekuhlakanipha nekucondza, nyalo seyitilungiselela kwakha lithempeli laSimakadze, itakhele nesigodlo sayo.

Ezra 10:21

Etitukulwaneni takaHarimu bekuboMaseya, na-Elija, naShemaya, naJehiyeli kanye na-Uziya.

Ezra 10:39

naShelemiya, naNathani, na-Adaya,

Ezra 8:13

Wetitukulwane taka-Adonikamu, lababa bekugcina, emabito abo bekubo-Elifeleti, naJehuweli kanye naShemaya, lababhaliswa kanye nemadvodza langema-60.

Ezra 8:15

Ngabahlanganisela ngasemseleni logeletela e-Ahava, samisa lapho emalanga lamatsatfu. Ngatsi nangihlolisisa kulabantfu, ngakhandza kunebaphristi kuphela, emaLevi angekho.

Ezra 8:17

Ngabe sengibatfumela ku-Ido, umholi waseKhasifiya. Ngabatjela kutsi kufanele bakhulumeni ku-Ido kanye nebantfu bakubo, lekwakutisebenti telithempeli eKhasifiya, kuze batewusiletsela tisebenti tendlu yaNkulunkulu wetfu.

Ezra 8:18

Njengobe sandla lesihle saSimakadze sasisetikwetfu, basiletsela Sherebiya, indvodza leyayinelikhono ekwenteni tintfo. Abengewetitukulwane taMahali, umsa waLevi, umsa wa-Israyeli, nemadvodzana aSherebiya, kanye nabomnakabo, emadvodza lali-18 asawonkhe, lenyuka nawo.

Taga 2:6

NguSimakadze lowephana ngekuhlakanipha; emlonyeni wakhe kuphuma lwati nekucondza.

Taga 20:5

Tinjongo tenhlitiyo yemuntfu tifanana nekujula kwemanti emtfombo; kodvwa lonekuhlakanipha angatikhipha.

Taga 28:2

Nakukhona kuvukela umbuso eveni, live liba makhosikhosi; kodvwa nangabe baholi balelo live banekuhlakanipha nekucondza, kuba nekuthula.

Danyela 2:21

Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.

2 kuThimothi 2:7

Cabangisisa loku lengikushoko, ngobe iNkhosi itakupha kucondzisisa konkhe.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.