Ezra 7:24 - Siswati 1996 Bible

²⁴ Kufanele nati futsi kutsi aninawo emandla ekutsatsa imitselo netetfulo kunome ngubani webaphristi, nemaLevi, nebahlabeli, nabomahlalesangweni, netisebenti tasethempelini nome ngangubani losebentako endlini yaNkulunkulu.

Ezra 7:24 Referencias Cruzadas

Genesisi 47:22

Live langalitsenganga kwaba lebaphristi kuphela; ngobe baphristi babephila ngesabelo sekudla lababesinikwa nguFaro. Ngako-ke abalitsengisanga live labo.

Genesisi 47:26

Ngako-ke Josefa wakwenta kwaba ngumtsetfo lomile welive laseGibhithe, kuze kube ngulamuhla, kutsi Faro anikwe incenye yesihlanu yesivuno. Live lebaphristi lodvwa lelasala langete ladliwa nguFaro.

Ezra 4:13

“Ngetulu kwaloko inkhosi kufanele yati kutsi nangabe lakhiwa lelidolobha nelubondza lwalo luvusetelwa, kute imitselo, netetfulo, nentsela letawuphindze ikhishwe, netimali tasebukhosini titawuphela.

Ezra 4:20

IJerusalema beyinemakhosi lanemandla kakhulu, abusa lonkhe leli lelingaseNshonalanga Yufrathe, imitselo, netetfulo kanye nentsela bekukhishwa kuwo.

Ezra 7:7

Labanye bema-Israyeli, ngisho nebaphristi, nemaLevi, nebahlabeli, nabomahlalesangweni, netisebenti tasethempelini, nabo beta eJerusalema ngemnyaka wesikhombisa wekubusa kwa-Athazeksesi, inkhosi.

Nehemiya 5:4

Noko labanye bakhonona batsi: “Sidzimate seboleka nemali, kuze sitewukhokha umtselo enkhosini, sitselele emasimi etfu netivini tetfu.

Matewu 9:9

Jesu asengca lapho, wabona umuntfu, libito lakhe kunguMatewu, ahleti endzaweni yekutselisa, watsi kuye: “Ngilandzele!” Nembala wasukuma wamlandzela.