Ezra 7:10 - Siswati 1996 Bible

¹⁰ Ngobe Ezra abetinikelele kuhlolisisa nekwenta lokungumtsetfo waSimakadze kanye nekufundzisa ema-Israyeli timiso nemiyalo yawo.

Ezra 7:10 Referencias Cruzadas

1 Tikhronike 29:18

Yebo, Simakadze, Nkulunkulu wabobabe Abrahama, na-Isaka, na-Israyeli, gcina lenshisekelo etinhlitiyweni tesive sakho phakadze naphakadze, wente tinhlitiyo tabo tihlale tetsembeke kuwe.

2 Tikhronike 12:14

Rehobowamu wenta lokubi, ngobe inhlitiyo yakhe yayingakunaki kufunisisa Simakadze.

2 Tikhronike 19:3

Kodvwa nome kunjalo, kukhona lokuhle kuwe, ngobe utisusile tinsika ta-Ashera kulelive, watimisela enhlitiyweni yakho kufuna Nkulunkulu.”

2 Tikhronike 30:22

Hezekiya wakhuluma awakhutsata onkhe emaLevi labekhombisa kuyicondza kahle lenkonzo yaSimakadze. Onkhe lamalanga lasikhombisa babedla leso sabelo sabo banikela ngeminikelo yebudlelwane, badvumisa Simakadze Nkulunkulu waboyise.

Ezra 7:11

Leli lihumusho lencwadzi leyabhalwa yinkhosi Athazeksesi ayibhalela Ezra labengumphristi futsi ayingcweti kutemtsetfo, indvodza leyayifundzile itati kahle tintfo letaticondzene nemiyalo netimiso taSimakadze nga-Israyeli:

Ezra 7:25

“Wena, Ezra, ngenhlakanipho yakho lonikwe yona nguNkulunkulu wakho, beka bomantji nebehluleli kutsi batewuhola behlulele bonkhe labo bantfu labangasenshonalanga nemfula iYufrathe, labayatiko imitsetfo yaNkulunkulu wakho. Nine kufanele nibafundzise bonkhe labo labangayati.

Ezra 7:6

Ezra wefika aphuma eBhabhulona. Ezra abeyingcweti kutemtsetfo waMosi, lowawumiswe nguSimakadze, Nkulunkulu wema-Israyeli. Inkhosi yayimnike konkhe labekucelile, ngobe sandla saSimakadze Nkulunkulu wakhe sasisetikwakhe.

Jobe 11:13

“Noko nawunikela inhlitiyo yakho ngalokuphelele kuye, welulele tandla takho, ukhuleke, utinikele kuye,

Tihlabelelo 1:2

Kodvwa kujabula kwakhe kusemtsetfweni waSimakadze, uyacabanga azindle ngawo imini nebusuku.

Tihlabelelo 10:17

Yebo, Simakadze! Uyativa tifiso talabacotfo, ucinise nenhlitiyo yabo. Indlebe yakho iyabalalela,

Tihlabelelo 119:112

Inhlitiyo yami ngiyitfobisele kutsi yente timiso takho ngize ngife.

Tihlabelelo 119:45

Ngiyawuhamba ngekukhululeka, ngobe ngetamile kuhlonipha imitsetfo yakho.

Tihlabelelo 19:7

Imfundziso yaSimakadze iphelele, ihlumelelisa umphefumulo; bufakazi baSimakadze buliciniso, buyabahlakaniphisa labate lwati.

Tihlabelelo 57:7

Inhlitiyo yami ime sibindzi, Nkulunkulu, inhlitiyo yami ime sibindzi, ngiyawuhlabela ngibonge ludvumo lwakho.

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Matewu 5:19

Ngako-ke lowo lowephula munye kulemiyalo lemincanyana, aphindze afundzise labanye kanjalo, uyakuba ngulomncane embusweni welizulu; kepha loyigcinako ayifundzise, lowo kuyawutsiwa mkhulu embusweni welizulu.

Matewu 7:24

“Ngako-ke wonkhe umuntfu lova lamavi ami awente, ufanana nendvodza lehlakaniphile, leyakha indlu yayo etikwelidvwala.

Johane 13:17

Nanitati-ke letintfo futsi nitenta, nibusisiwe.

Imisebenti yebaPhostoli 1:1

Tiyofilusi, Encwadzini yami yekucala ngabhala ngako konkhe Jesu lacala kukwenta nekukufundzisa,

Dutheronomi 16:12

Nibokhumbula kutsi nani nake naba tigcili eGibhithe, ngako tilandzeleni ngekunakekela letimiso.”

Dutheronomi 33:10

Uyawufundzisa imiyalo yakho kuJakobe, nemitsetfo yakho ku-Israyeli. Ushisa imphepho embikwakho, neminikelo yekushiswa yonkhe elatini lakho.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

2 kuThimothi 4:2

Shumayela livi, ulimele nome tikhatsi tivuma nome tingavumi; sola, ucwayise, uyale ngako konkhe kubeketela nekufundzisa.

kuThithusi 2:1

Wena fundzisa loko lokufanele imfundziso lephilile.

kuThithusi 2:15

Khuluma letintfo ngekuyala nekwekhuta ngawo onkhe emandla. Akubete lokubukela phansi.

Sembulo 22:14

“Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya.

1 Samuweli 7:3

Samuweli wakhuluma esiveni sonkhe saka-Israyeli, watsi: “Naniphendvukela kuSimakadze ngayo yonkhe inhlitiyo yenu, kufanele nitisuse tonkhe letithico tebetive kanye nabo-Ashtarothe benu, bese nitinikela kuSimakadze nikhonte yena yedvwa, yena-ke utawube sewuyanikhulula esandleni semaFilisti.”