Ezra 6:8 - Siswati 1996 Bible

⁸ “Ngetulu kwaloko ngishaya umtsetfo kutsi nibasite labo baholi bemaJuda ekwakheni lendlu yaNkulunkulu. “Tindleko talamadvodza titawukhokhelwa ngalokugcwele esikhwameni sebukhosi, semtselo lophuma eNshonalanga Yufrathe, khona lomsebenti ungetiwuma.

Ezra 6:8 Referencias Cruzadas

Ezra 4:16

Siyayatisa inkhosi kutsi nangabe lakhiwa kabusha lelidolobha, nangabe futsi nalo lolubondza lwakhiwa kabusha, itawusala yodvwana, ingasenalutfo lapha eNshonalanga Yufrathe.”

Ezra 4:23

Yatsi kube lencwadzi ya-Athazeksesi, inkhosi, ifundzelwe Rehumi, naShimshayi, labengumabhalane, kanye nebangani babo, bavele basukumela etulu balibangisa kuwo emaJuda labeseJerusalema bayakuwaphocelela ngenkhani kutsi ayekele.

Ezra 5:5

Kodvwa liso laNkulunkulu lalibelusile baholi bakaJuda, abazange bayekeliswe, kwaze kwabhalelwa Dariyusi umbiko, kwalindzelwa imphendvulo leyayibhalwe nguye phansi.

Ezra 6:14

Ngako baholi bemaJuda bachubeka nekwakha nekunotsa, bashunyayelwa nguHagayi, umphrofethi, kanye naZakhariya wesitukulwane sa-Ido. Lithempeli bacedza kulakha ngekwemyalo waNkulunkulu wema-Israyeli nangekulandzela imitsetfo leyayishaywe nguKhuresi, naDariyusi, kanye na-Athazeksesi, emakhosi asePheresiya.

Ezra 6:4

libe nemigca lemitsatfu yematje lamakhulu, ube munye wetingodvo. Tindleko takhona tiyawukhokhelwa sikhwama sebukhosi.

Ezra 6:7

Ningacali niphazamise umsebenti welithempeli laNkulunkulu. Yekelani umbusi wemaJuda kanye nebaholi bemaJuda bachubeke nekuyakha kabusha lendlu yaNkulunkulu kuleyo ndzawo yayo.

Ezra 6:9

Konkhe lokudzingekako, tinkunzana, netihhanca, nemazinyane etimvu lamadvuna emnikelo wekushiswa kuNkulunkulu wasezulwini, nakolo, neluswayi, neliwayini, nemafutsa, njengobe kucele baphristi eJerusalema, kufanele kunikelwe onkhe emalanga kungapholoti,

Ezra 7:14

Wena utfunyelwe yinkhosi ikanye nebeluleki bayo labasikhombisa kutsi uyekuhlolisisa kahle ngelive lakaJuda kanye nangeJerusalema macondzana nemtsetfo waNkulunkulu wakho losesandleni sakho.

Nehemiya 11:23

Bahlabeli-ke bona babephetfwe ngimiyalo yenkhosi leyayinguyona ibalawula ngemisebenti yemalanga ngemalanga.

Nehemiya 2:8

Ngicela nencwadzi leya ku-Asafa, umgcini welihlatsi lenkhosi, kutsi angiphe tingodvo tekwakha emasango enqaba leseceleni kwelithempeli kanye netekwakha lubondza lwelidolobha nendlu lengitawube ngihleti kuyo.” Njengobe sandla semusa saNkulunkulu wami sasisetikwami, inkhosi yavele yanginika konkhe loko lengangikucelile.

Danyela 6:26

“Ngikhipha umtsetfosimemetelo kutsi kuyo yonkhe indzawo lelapha embusweni wami bantfu kufanele bamesabe babuye bamhloniphe Nkulunkulu waDanyela. “Ngobe unguNkulunkulu lophilako, futsi uyawuhlala akhona phakadze naphakadze; umbuso wakhe ungeke ubhujiswe, yebo, umbuso wakhe ungeke uphele.

Hagayi 2:8

‘Isiliva yami, negolide ngeyami,’ kusho Simakadze longuSomandla.