Ezra 6:15 - Siswati 1996 Bible

¹⁵ Lithempeli lacedvwa ngelilanga lesitsatfu enyangeni ya-Adari, ngemnyaka wesitfupha ekubuseni kwaDariyusi, inkhosi.

Ezra 6:15 Referencias Cruzadas

1 Emakhosi 8:63

Solomoni wanikela ngemhlatjelo wekuthula kuSimakadze: Tinkhomo letatiti-22 000 netimvu letatiti-120 000 tihlangene netimbuti. Inkhosi yalinikela kanjalo-ke lithempeli laSimakadze, ikanye nesive sema-Israyeli.

Ezra 4:24

Ngako umsebenti wekwakha indlu yaNkulunkulu eJerusalema wema, kwaze kwaba ngumnyaka wesibili wekubusa kwaDariyusi, inkhosi yasePheresiya.

Ezra 5:16

Ngako loSheshbasari waya lapho wafike wabeka tisekelo tendlu yaNkulunkulu eJerusalema. Kusukela ngalelo langa kuze kube ngulamuhla seloku liyakhiwa, kodvwa noko lisengakapheli.’

Ezra 9:9

Nome sitigcili nje, Nkulunkulu wetfu akasilahli ekuboshweni kwetfu. Usentele sihawu emehlweni emakhosi asePheresiya, ngekutsi usiphe kuphila lokusha kutsi sakhe kabusha indlu yaNkulunkulu wetfu nekutsi sivusetele tibondza tayo, waphindze wasipha lubondza lwekuvikeleka kaJuda naseJerusalema.

Esta 3:13

Kwaphuma emancusa agijimisa lesatiso kuwo onkhe emave embuso. Lesimemetelo sasebukhosini sasatisa kutsi ngalanga linye, lilanga leli-13 enyangeni ya-Adari, onkhe emaJuda, labancane nalabadzala, bafati nebantfwana kufanele babulawe. Kufanele babhujiswe ngaphandle kwesihawu, timphahla tabo tidliwe.

Esta 3:7

Kwatsi ngenyanga yekucala, yaNisani, ngemnyaka weli-12 wekubusa kwenkhosi Ahashiveroshi, kwentiwa inkatho embikwaHamani yekutfola kutsi kungaba nguliphi lilanga nenyanga lekutsi aphumelelise lelisu lakhe. Ngako kwakhetfwa lilanga leli-13 ku-Adari, inyanga yeli-12.

Esta 8:12

Lesimemetelo sasebukhosini kwaphoceleka kutsi sisebente kuwo wonkhe umbuso wasePheresiya ngalo lelo langa lekubulawa kwemaJuda, lekwakufanele kube mhla tili-13, enyangeni yeli-12, lekutsiwa ngu-Adari.

Esta 9:1

Lefika-ke lilanga leli-13 enyangeni ya-Adari, inyanga yeli-12. Lelo bekulilanga lapho simemetelo senkhosi bekufanele sifezeke ngalo. Lelo bekulilanga lapho titsa temaJuda betibheke kutsi tiwacedze. Kodvwa lisondvo lagucuka, ngobe emaJuda kwabe sekuba ngawo lancobako, ancoba titsa tawo.

Esta 9:15

EmaJuda labeseSusa aphindza abutsana ndzawonye ngelilanga leli-14, enyangeni ya-Adari, abulala lamanye emadvodza langema-300. Noko akazange atiphange timphahla tawo.

Esta 9:17

Loko bakwenta ngelilanga leli-13, enyangeni ya-Adari; kwatsi ngelilanga leli-14 baphumula, batentela lilanga lelidzili lekujabula, nelekwephana tipho.

Esta 9:19

Ngiko-nje emaJuda lasahlala emakhaya emaphandleni lilanga leli-14 enyangeni ya-Adari alenta kube lilanga lelidzili lekujabula bephane tipho.

Esta 9:21

awatjela kutsi lilanga leli-14 neleli-15 enyangeni ya-Adari babolihlonipha balente kube lilanga lelidzili lekujabula nelekwephana ngalo tipho, yonkhe iminyaka.

Zakhariya 1:1

Ngenyanga yesiphohlongo emnyakeni wesibili wekubusa kwaDariyusi, livi laSimakadze lefika kumphrofethi Zakhariya, umsa waBherekhiya, umsa wa-Ido, latsi:

Zakhariya 1:16

“Ngako-ke, naku lokushiwo nguSimakadze, utsi: ‘Ngiyawubuyela ngesihawu eJerusalema, ngulapho kuyawukwakhiwa khona kabusha indlu yami. Intsambo yekukala iyakwelulelwa etikweJerusalema, yakhiwe kabusha,’ kusho Simakadze longuSomandla.

Zakhariya 4:9

“Tandla taZerubhabheli tibeke sisekelo salelithempeli; netandla takhe futsi titalicedza. Nine-ke niyawube seniyati kutsi Simakadze longuSomandla ungitfume kini.