Ezra 4:7 - Siswati 1996 Bible

⁷ Kwaphindza futsi ngesikhatsi sekubusa kwa-Athazeksesi, inkhosi yasePheresiya, boBishlamu, naMithredathi, naThabeyali kanye nebangani babo babhalela Athazeksesi incwadzi. Lencwadzi yayibhalwe ngelulwimi lwesi-Aramu, yase iyahunyushwa.

Ezra 4:7 Referencias Cruzadas

2 Emakhosi 18:26

Bo-Eliyakimu, umsa waHilkiya, naShebna, naJowa bakhuluma kulendvuna lenkhulu yemphi, batsi: “Sicela umane ukhulume ngesiSiriya etincekwini takho, ngobe ngulona lulwimi lesiluvako. Ungakhulumi natsi ngesiHebheru kuva bonkhe labantfu labalapha etulu elubondzeni.”

Ezra 4:1

Tatsi kube titsa tebakaJuda nebakaBhenjamini tive kutsi labantfu labebatfunjiwe bese balakha kabusha lithempeli laSimakadze Nkulunkulu wema-Israyeli,

Ezra 4:17

Inkhosi yatfumela imphendvulo yayo leyayibhalwe kanje: “Lencwadzi ibhalelwe Rehumi, indvuna, naShimshayi, mabhalane, kanye nabo bonkhe labahambisana nabo labahlala eSamariya nakuso sonkhe sifundza saseNshonalanga Yufrathe. Ngiyanibingelela.

Ezra 4:8

Rehumi, indvuna, kanye naShimshayi, labengumabhalane, babhala incwadzi ngeJerusalema bayitfumela ku-Athazeksesi, inkhosi, itsi:

Ezra 4:9

“Lencwadzi iphuma kuRehumi, indvuna, naShimshayi longumabhalane, kanye nakubangani babo, behluleli kanye netiphatsimandla letibengamele baseTripholisi, nebasePheresiya, nebase-Ereki, kanye nebaseBhabhulona, nema-Elamu aseSusa,

Ezra 5:6

Lena kwaba nguyona ncwadzi leyabhalwa boThathenayi, umbusi waseNshonalanga Yufrathe, naShethari Boznayi kanye nebangani babo lababetiphatsimandla taseNshonalanga Yufrathe, tayitfumela kuDariyusi.

Ezra 7:1

Emvakwaloko, ngesikhatsi sekubusa kwa-Athazeksesi, inkhosi yasePheresiya, Ezra, umsa waSeraya, umsa wa-Azariya, umsa waHilkiya,

Ezra 8:36

Baphindze betfula imitsetfo nemilayeto yenkhosi kubabusi baseNshonalanga Yufrathe, labavele basita labantfu emsebentini wendlu yaNkulunkulu.

Nehemiya 2:1

Ngenyanga yaNisani, emnyakeni wema-20 wekubusa kwenkhosi Athazeksesi, ngesikhatsi inkhosi seyiletselwe liwayini, ngalitsatsa leliwayini ngaliniketa inkhosi. Ngangingazange sengibonakale ngingulodzabukile embikwenkhosi;

Isaya 36:11

Bo-Eliyakimu, naShebna, naJowa bakhuluma kulendvuna lenkhulu, batsi: “Sicela umane ukhulume ngesiSiriya etincekwini takho, ngobe ngulona lulwimi lesiluvako. Ungakhulumi natsi ngesiHebheru kuva bonkhe labantfu labalapha etulu elubondzeni.”

Danyela 11:2

“Manje-ke, sengikutjela liciniso: Kusetawuvela lamanye emakhosi lamatsatfu ePheresiya, bese kuba yesine leyawunjinga kakhulu kunawo onkhe lalamanye. Kuyawutsi nase iwatfolile emandla ngebunjinga bayo, bese ivusa wonkhe umhlaba kutsi akuvukelwe iGrisi.

Danyela 2:4

Ngako bosonkhanyeti baphendvula inkhosi ngesi-Aramu batsi: “Awu nkhosi, lunwele loludze, wena waphakathi, tjela tinceku takho liphupho, tsine-ke sitabe sesiyalichaza.”