Ezra 4:4 - Siswati 1996 Bible

⁴ Kwatsi tonkhe tive letatibomakhelwane babo tacala kubajabhisa nekubesabisa ngekwakha.

Ezra 4:4 Referencias Cruzadas

2 Samuweli 4:1

Watsi kube Ishboshethi, umsa waSawula, eve kutsi Abneri ufele eHebroni, wesaba kakhulu, sonkhe sive sema-Israyeli setfuka.

Ezra 3:3

Lite nome babesaba letive betibatungeletile, noko bachubeka bakha lilati esisekelweni salo, banikela ngemhlatjelo wekushiswa etikwalo kuSimakadze, ngisho imihlatjelo yekushiswa yasekuseni nantsambama.

Ezra 4:5

Badizela letinye tiphatsimandla tembuso kutsi tiyigongonye yonkhe imitamo yekwakha sonkhe sikhatsi sekubusa kwaKhuresi, inkhosi yasePheresiya, kwaze kwaba sikhatsi sekubusa kwaDariyusi, inkhosi yasePheresiya.

Nehemiya 4:11

Netitsa tetfu taticabanga, titsi: “Batawutsi basengaketeleli futsi bangakasoli lutfo, basetfuke sesisetikwabo, sibabulale bonkhe, siwumise lomsebenti wabo.”

Nehemiya 4:2

akhuluma embikwebangani bakhe nasembikwemabutfo aseSamariya, watsi: “Tentani letiyatsayatsa temaJuda? Tingaluvusa yini lolubondza lwato? Tiyawunikela yini ngemihlatjelo? Tingalucedza yini ngalanga linye? Lamatje lashile aba ngumlotsa tingawavusa yini aze abe yintfo lephilako?”

Nehemiya 6:9

Bonkhe babetama kusesabisa bacabanga batsi: “Tandla tabo titawuba butsakatsaka tingabe tisasebenta, lomsebenti ungabe usaphela.” Kodvwa ngathandaza ngatsi: “Nkulunkulu, cinisa tandla tami.”

Jeremiya 38:4

Tiphatsimandla takhuluma enkhosini, tatsi: “Lomuntfu kufanele abulawe. Utsela emanti emadvolweni emasotja lasele kulelidoloba, nakuwabo bonkhe bantfu, ngaletintfo latishoko kubo. Lomuntfu akacondzi lokuhle ngalabantfu, kodvwa ubafisela lokubi.”

Danyela 10:13

Kodvwa ingilosi yembuso wasePheresiya, yangivimbela kwadzimate kwaphela emalanga langema-21, kwaze kwefika Mikhayeli, lomunye wetingilosi letitikhulu, atengelekelela, ngobe bengishiywe lapho ngedvwa nemakhosi asePheresiya.

Danyela 10:20

Ngako watsi: “Uyati yini kutsi ngiteleni lapha kuwe? Masinyane ngitawuncandzeka kuze ngitekulwa nengilosi yasePheresiya, ngitawutsi ngisuka nje kuyo, kufike ingilosi yaseGrisi,