Ezra 3:7 - Siswati 1996 Bible

⁷ Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.

Ezra 3:7 Referencias Cruzadas

2 Samuweli 5:11

Hiramu, inkhosi yaseThire, watfumela titfunywa kuDavide, kanye netingodvo temsedari, nebabati kanye nebacoti bematje, bafike bakha sigodlo saDavide.

1 Emakhosi 5:6

“Ngako ngicela utfumele emadvodza kutsi aye eLebanoni ayekungigawulela imisedari. Emadvodza akami atawubambisana nalawo akakho, kantsi ngitawakhokhela lawo madvodza akakho, nome ngabe ufuna malini yekuwaholela. Nawe uyati kutsi asinabo labangaba nelikhono ekugawuleni imisedari kwendlula emaSidoni.”

2 Emakhosi 12:10

Babetsi bangabona kutsi seyinyenti imali kulelibhokisi, bese bayeta bomabhalane benkhosi nemphristi lomkhulu, bafike bayibale yonkhe lemali leseyiletfwe ethempelini laSimakadze, bese bayiwolela etikhwameni.

2 Emakhosi 12:13

Lemali leyayiletfwa lapha ethempelini ayizange isetjentiswe ekwakheni titja tesiliva, netijubantsambo, netitja tekunyenyeta, nemacilongo nanome ngabe seyini-ke lokusitja segolide nesesiliva lokukwelithempeli laSimakadze,

2 Tikhronike 34:10

Bayibeka kulamadvodza labesabekwe yinkhosi kutsi akengamele umsebenti welithempeli laSimakadze. Lamadvodza ngawo labeholela tisebenti letativusetela kabusha lelithempeli.

Ezra 3:6

Ngelilanga lekucala enyangeni yesikhombisa bacala kunikela ngemnikelo wekushiswa kuSimakadze, nome sasisengakabekwa sisekelo selithempeli laSimakadze.

Hezekeli 27:17

“ ‘Bahwebi bakaJuda nebaka-Israyeli babetsengiselana nawe; babekutsengisela timphahla takho ngakolo labephuma eMinithi, nangabojece, nangeluju lwetinyosi, nangemafutsa, nangebhalisamu.

Jona 1:3

Kepha Jona wesuka wacondza eThashishi. Wehlela eJopha, lapho afike wakhokha imali yekwekhwela, wagibela umkhumbi, waya eThashishi, abalekela Simakadze.

Imisebenti yebaPhostoli 12:20

Wabatfukutselela kakhulu Herodi bantfu baseThire naseSidoni; ngako-ke baya kanyekanye bayawubonana naye. Kwekucala bavumelana naBlastusi, labengumgcini wesigodlo. Baya kuHerodi bayawucela kuthula, ngobe live labo lalitfola kudla eveni lakhe.

Imisebenti yebaPhostoli 9:36

EJopha kwakunemfati labelikholwa anguThabitha. Libito lakhe ngesiGriki kwakunguDokhasi, (lokusho kutsi “inyamatane”), abecitsa sonkhe sikhatsi sakhe ngekwenta lokuhle ngekusita timphuya.

Imisebenti yebaPhostoli 9:38

IJopha yayisedvute naseLida, kwatsi bafundzi nabeva kutsi Phetro abeseLida, batfumela emadvodza lamabili nemlayeto lotsi: “Sicela unonophe ute lapha kitsi.”

Imisebenti yebaPhostoli 9:43

Phetro wahlala eJopha emalanga lamanyenti nemshuki wetikhumba labenguSimoni.