Ezra 2:63 - Siswati 1996 Bible

⁶³ Umbusi wabayala kutsi bangadli nome kunye kwalokudla kwekunikelwa, kuze kube nemphristi wekukhonta nge-Urimu neThumimu.

Ezra 2:63 Referencias Cruzadas

Ezra 2:64

Sebabonkhe labancandzeka babeti-42 360,

Nehemiya 10:1

Labo labasisayina lesivumelwane bekuboNehemiya, umbusi, indvodzana yaHakaliya, naSedekiya,

Nehemiya 10:2

naSeraya, na-Azariya, naJeremiya,

Nehemiya 7:65

Ngako-ke umbusi wabayala kutsi bangadli nome kunye kwalokudla lokwakungcwele, kuze kube nemphristi wekukhonta nge-Urimu neThumimu.

Nehemiya 8:9

Batsi kube bantfu beve ngaloko lokwakufunwa ngumtsetfo, batsintseka badzimate bakhala. Ngako boNehemiya, umbusi, na-Ezra, labengumphristi nengcweti yetemtsetfo, kanye nemaLevi labenguwona achaza lomtsetfo, bakhuluma kulabantfu bonkhe, batsi: “Lelilanga lalamuhla lingcwele kuSimakadze Nkulunkulu wenu, ngako akukafaneli kutsi nilibale kukhala nidzindze sililo.”

Eksodusi 28:30

Kulesembatfo sesifuba sekwehlulela ubofaka i-Urimu neThumimu, kubesetikwenhlitiyo ya-Aroni sonkhe sikhatsi nangena ebukhoneni baNkulunkulu. Kanjalo-ke Aroni uyawuphatsa letehlulelo tema-Israyeli etikwenhlitiyo yakhe nasembikwaNkulunkulu.”

Levithikusi 2:10

Incenye yawo lesele iyawuba sabelo sa-Aroni nemadvodzana akhe; ingcwele kakhulu ngobe itsetfwe emnikelweni lowentiwa ngemlilo kuSimakadze.

Levithikusi 2:3

Yonkhe lemphuphu lesele itawuba ya-Aroni nemadvodzana akhe; ingcwele, ngobe itsetfwe ekudleni bekunikelwe ngemlilo kuSimakadze.

Levithikusi 22:10

“Umuntfu longesilo lilunga lemndeni wemphristi akukafaneli adle lutfo lolungcwele, ngisho nesivakashi nome sisebenti semphristi imbala.

Levithikusi 22:13

Kodvwa nangabe lendvodzakati iba ngumfelokati nome ilahlwe yindvodza isengakabi nabo bantfwana bese ibuyela ekhaya kubo njenganayiseyinsha, ingakudla loko kudla kweyise. Kodvwa lowo lote lilungelo akukafaneli akudle.

Levithikusi 6:17

Akuyiwuphekwa ngembiliso. Loko ngibanikele kutsi kube sabelo sabo kuleminikelo leletfwe kimi kutsi ishiswe ngemlilo; kungcwelengcwele, njengawo umnikelo wesono nemnikelo welicala.

Levithikusi 6:29

Nome ngubani lomdvuna welusendvo lwebaphristi angawudla lomnikelo; ungcwelengcwele.

Levithikusi 7:16

“ ‘Nangabe umuntfu aletsa umnikelo wekufeza setsembiso nome umnikelo wesihle, kufanele udliwe ngalelo langa lawunikela ngalo; nakukhona lokusele, kungaphindze kudliwe futsi nangakusasa.

Levithikusi 8:8

Wamfaka sembatfo sesifuba, nalesembatfo sesifuba wasifaka i-Urimu neThumimu.

Numeri 18:19

“Konkhe lokwehlukaniselwe eceleni eminikelweni lengcwele lenikelwe ngema-Israyeli kuSimakadze ngikupha wena nemadvodzana akho nemadvodzakati akho, kutsi kube ngusona sabelo sakho titukulwane ngetitukulwane. Kusivumelwane saphakadze seluswayi kuSimakadze, kutsi sibe sakho nesebantfwabakho.”

Numeri 18:32

Njengobe nitawunikela ngalokuhle kakhulu kwako, ningeke nibe nelicala ngaloko; ngako-ke ningeke niyingcolise iminikelo lengcwele yema-Israyeli, futsi ningeke nife ngalelo cala.’ ”

Numeri 27:21

Utakuma embikwa-Eleyazare, umphristi, lotamtsatsela tincumo latitfole nge-Urimu kuSimakadze. Ngekukhuluma kwakhe yena nesive sonkhe sema-Israyeli bayawuphuma baphindze bangene njengekuyala kwakhe.”

Dutheronomi 33:8

NgaLevi wakhuluma watsi: “IThumimu yakho ne-Urimu yakho ngeyalowo muntfu lowamtsandza. Wamvivinya eMasa; wamelana naye emantini aseMeribha.

1 Samuweli 28:6

Sawula wase ubuta kuSimakadze, kodvwa Simakadze akazange amphendvule ngisho nangemaphupho, nome nge-Urimu, nome ngebaphrofethi.