Ezra 10:8 - Siswati 1996 Bible

⁸ Wonkhe longetutibonakalisa angakapheli emalanga lamatsatfu, tonkhe timphahla takhe titawudliwa, kuye ngesincumo setindvuna nebaholi, yena-ke utawube sewuyacitfwa emkhatsini walabatfunjwa.

Ezra 10:8 Referencias Cruzadas

Ezra 10:7

Kwaphuma livi lacondzana nabo bonkhe batfunjwa bakaJuda nebaseJerusalema kutsi bahlangane ndzawonye eJerusalema.

Ezra 10:9

Kwatsi kungakapheli emalanga lamatsatfu, onkhe emadvodza akaJuda newakaBhenjamini ahlangana ndzawonye eJerusalema. Ngelilanga lema-20 enyangeni yemfica, bonkhe base bahleti ebaleni lelithempeli, bakhatsateke kakhulu ngalemvula leyayina, ikakhulu ngesimo salowo mhlangano.

Ezra 7:26

Lowo longawuhloniphi umtsetfo waNkulunkulu kanye nemtsetfo wenkhosi kufanele ajeziswe ngekutsi abulawe, nome adzingiswe, nome adliwe konkhe lanako, nome afakwe ejele.”

Nehemiya 13:28

Lomunye wemadvodzana aJoyada, umsa wa-Eliyashibi, umPhristi Lomkhulu, abengumkhwenyana waSanbalati, umHoroni. Ngamcosha lapha kimi.

Nehemiya 13:3

Sive satsi kube siwuve lowo mtsetfo, sabakhetsa kuma-Israyeli bonkhe labo lababeyintalelwane yebetive.

Levithikusi 27:28

“ ‘Kodvwa kufanele kubete umuntfu lotawutsengisa nome lotawuhlenga loko lesekunikelwe kuSimakadze, nome kungumuntfu, nome kusilwane, nome kungumhlaba lolifa lakhe. Konkhe loko sekuyawuhlala kukwaSimakadze kungcwelengcwele.

Matewu 18:17

Kodvwa nangabalaleli nabo, yonkhe lendzaba yetfule ebandleni. Kantsi, nangabe akalilaleli nelibandla, sale sewumtsatsa njengemfokati nome njengemtselisi.”

Johane 16:2

Bayakunincuma emasinagogeni. Yebo, sikhatsi siyeta, lapho bayawunibulala, bacabange kutsi basebentela Nkulunkulu.

Johane 9:22

Batali bakhe bakusho loko ngobe bebesaba emaJuda. Phela abesavumelene ngekutsi lotawufakaza kutsi Jesu unguKhristu, abeyawuncunywa esinagogeni.

Johane 9:34

Bayiphendvula batsi: “Wena watalelwa esonweni; wena futsi sewufundzisa tsine?” Base bayincuma esinagogeni labo.

1 kubaseKorinthe 5:13

Kodvwa Nkulunkulu uyabehlulela labo labangephandle; nemBhalo utsi: “Mcosheni lomubi emkhatsini wenu!”

Joshuwa 6:19

Yonkhe igolide, nesiliva kanye netintfo letentiwe ngelitfusi nangensimbi tehlukaniselwe Simakadze, ngako kufanele timikiswe endlini yakhe yengcebo.”

Tikhulu 21:5

Baka-Israyeli babuta batsi: “Ngubani emkhatsini wato tonkhe tive taka-Israyeli longazange aye kuyawuhlangana embikwaSimakadze?” Phela bebafunge bagomela kutsi lowo longazange ete emhlanganweni embikwaSimakadze eMispa uyawubulawa nome kanjani.

1 Samuweli 11:7

Watsatsa tinkhabi letimbili, watijuba ticucu, watfumela ngetigijimi licatsa ngalinye kulo lonkhe laka-Israyeli, timemetela titsi: “Nguloku-ke lokutakwentiwa etinkhabini tayo yonkhe indvodza lengalandzeli boSawula naSamuweli.” Kwesabeka kwaSimakaze kwehlela kubo bonkhe bantfu, bagucuka bonkhe baba njengemuntfu munye.