Esta 9:14 - Siswati 1996 Bible

¹⁴ Ngako inkhosi yakhipha simemetelo sasebukhosini kutsi loko akwentiwe. Lesimemetelo sasebukhosini sacondziswa eSusa kutsi emadvodzana aHamani alengiswe ngentsambo etigodvweni.

Esta 9:14 Referencias Cruzadas

Ezra 7:13

“Ngikhipha simiso kutsi nome ngubani um-Israyeli lolapha embusweni wami, ngisho nebaphristi nemaLevi, labafisa kuya eJerusalema bangahamba kanye nawe.

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Esta 7:9

Lomunye wabo, lekwakutsiwa nguHabona, watsi: “Yena lo Hamani phela besalungise nesigodvo lesingemamitha langema-22 ngasendlini yakhe, asilungisele kulengisa Modekhayi lowephula imphilo yenkhosi engotini.” “Lengisani Hamani kuso!” sekusho inkhosi.

Esta 9:13

Esta waphendvula watsi: “Nakukuhle enkhosini yami, ngicela kutsi emaJuda lasenhlokodolobha iSusa aphindze nakusasa ente njengobe entile lamuhla, bese kutsi tidvumbu temadvodzana lalishumi aHamani, tiphanyekwe etigodvweni.”

Esta 9:15

EmaJuda labeseSusa aphindza abutsana ndzawonye ngelilanga leli-14, enyangeni ya-Adari, abulala lamanye emadvodza langema-300. Noko akazange atiphange timphahla tawo.

Taga 12:7

Bantfu lababi bayaketulwa banyamalale; kodvwa imindeni yalabalungile iyawuhlala imile.

Umshumayeli 6:3

Indvodza ingaba nebantfwana labalikhulu, iphile iminyaka leminyenti; kodvwa nome ingaphila sikhatsi lesidze, ingakwati kutijabulisa ngetintfo letinhle tekuphila, bese kutsi ekugcineni ingabe insangcwatjwa nakahle, ngitsi umntfwana lotelwe asafile uncono kakhulu kunayo.

Numeri 24:20

Bhalamu wabona Amaleki, wase ubeka umlayeto wakhe, watsi: “Amaleki waba wekucala etiveni tonkhe, kodvwa, noko ekugcineni uyawubhubha.”

KubaseGalathiya 3:13

Khristu wasihlenga esicalekisweni lesasiletfwe ngumtsetfo, ngekutsi abe sicalekiso endzaweni yetfu; ngobe kubhaliwe kutsi: “Ucalekisiwe wonkhe umuntfu lolenga emtsini.”