Esta 9:1 - Siswati 1996 Bible

¹ Lefika-ke lilanga leli-13 enyangeni ya-Adari, inyanga yeli-12. Lelo bekulilanga lapho simemetelo senkhosi bekufanele sifezeke ngalo. Lelo bekulilanga lapho titsa temaJuda betibheke kutsi tiwacedze. Kodvwa lisondvo lagucuka, ngobe emaJuda kwabe sekuba ngawo lancobako, ancoba titsa tawo.

Esta 9:1 Referencias Cruzadas

2 Samuweli 22:41

Titsa tami watidvungulula, tabaleka, ngabacedza bonkhe labangitondzako.

Esta 3:13

Kwaphuma emancusa agijimisa lesatiso kuwo onkhe emave embuso. Lesimemetelo sasebukhosini sasatisa kutsi ngalanga linye, lilanga leli-13 enyangeni ya-Adari, onkhe emaJuda, labancane nalabadzala, bafati nebantfwana kufanele babulawe. Kufanele babhujiswe ngaphandle kwesihawu, timphahla tabo tidliwe.

Esta 3:7

Kwatsi ngenyanga yekucala, yaNisani, ngemnyaka weli-12 wekubusa kwenkhosi Ahashiveroshi, kwentiwa inkatho embikwaHamani yekutfola kutsi kungaba nguliphi lilanga nenyanga lekutsi aphumelelise lelisu lakhe. Ngako kwakhetfwa lilanga leli-13 ku-Adari, inyanga yeli-12.

Esta 8:12

Lesimemetelo sasebukhosini kwaphoceleka kutsi sisebente kuwo wonkhe umbuso wasePheresiya ngalo lelo langa lekubulawa kwemaJuda, lekwakufanele kube mhla tili-13, enyangeni yeli-12, lekutsiwa ngu-Adari.

Esta 8:6

Empeleni mine ngingakumela ngikutibe njani, nangabe sive netihlobo tami tibhujiswa tibulawa?”

Esta 9:17

Loko bakwenta ngelilanga leli-13, enyangeni ya-Adari; kwatsi ngelilanga leli-14 baphumula, batentela lilanga lelidzili lekujabula, nelekwephana tipho.

Tihlabelelo 18:40

Titsa tami watidvungulula, tabaleka, ngabacedza bonkhe labangitondzako.

Tihlabelelo 30:11

Ugucule kulila kwami kwaba ngumgidvo, ungikhumule ingubo yenzilo, wangembatsisa ngekungibopha ngenjabulo.

Imisebenti yebaPhostoli 12:11

Kwangukhona kumkhanyela Phetro kutsi bekwentekani kuye, wase utsi: “Manje sengiyati kutsi kuliciniso kutsi iNkhosi itfumele ingilosi, yangikhulula emandleni aHerodi nakuko konkhe emaJuda abebheke kutsi kutangehlela.”

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

Sembulo 11:18

Tive tatfukutsela, kepha kwefika lulaka lwakho kanye nesikhatsi sekwehlulelwa kwalabafile. Kwefika nekuniketwa imivuzo etisebentini takho, nakubaphrofethi kanye nakulabangcwele, nakulabo labesaba libito lakho, kulabakhulu nakulabancane. Kwefika nekubhujiswa kwebabhubhisi bemhlaba.”