Esta 8:5 - Siswati 1996 Bible

⁵ “Nakukuhle enkhosini, nangabe itsandza nekunginaka, nayibona kutsi loko kufanele kwentiwe, ngicela ikhiphe umtsetfo wekuncandza kufezwa kwemkhankhaso wekubulala onkhe emaJuda kuto tonkhe tifundza talombuso lobekuhloswe nguHamani, umsa waHamedatha, um-Agagi.

Esta 8:5 Referencias Cruzadas

Esta 2:17

Inkhosi yatsatseka nga-Esta, kwendlula onkhe lawa lamanye emantfombatana. Yatsandza Esta ngetulu kwawo onkhe emantfombatana, ngako yamkhetsa emkhatsini wawo yametfwesa umchele webukhosi, yambeka waba yinkhosikati lenkhulu esikhundleni saVashti.

Esta 2:4

Inkhosi itawube seyikhetsa leyo ntfombatana letayitsandza kakhulu, iyente ibe yinkhosikati lenkhulu esikhundleni saVashti.” Leseluleko sabonakala sisihle emehlweni enkhosi, ngako yavele yenta njengobe yayitjeliwe.

Esta 3:1

Ngekuhamba kwetikhatsi, inkhosi Ahashiveroshi yamphakamisa Hamani yamnika sikhundla sekuba ngundvunankhulu. Hamani bekuyindvodzana yaHamedatha, umtukulu wa-Agagi.

Esta 5:8

Nangabe inkhosi ingaba nemusa kimi ingiphe sicelo sami, ngicela kutsi iphindze ibuye naHamani kusasa kulelinye lidzili lengitawube ngililungisele bona. Ngitayitjela lapho-ke inkhosi kutsi siyini sicelo sami.”

Esta 7:3

Inkhosikati Esta, yaphendvula yatsi: “Nakukuhle enkhosini yami kwemukela sicelo sami, nome ngingesibani, sifiso sami, nkhosi, kutsi mane usindzise imphilo yami, nemphilo yesive sakitsi.

Eksodusi 33:13

Ngako-ke, nangabe ngizuze umusa emehlweni akho, ngiyakucela kutsi ungikhombise tindlela takho, kuze wena ngikwati kahle, ngichubeke kuzuza umusa emehlweni akho. Ukhumbule futsi kutsi labantfu basive sakho.”

Eksodusi 33:16

Nawungahambi natsi, kutawubonakala kanjani kutsi ngizuze umusa emehlweni akho, mine nalesive sakho? Kuhamba kwakho nami nalesive sakho ngiko lokufanele kusente sehluke emkhatsini wetive tonkhe temhlaba.”

1 Samuweli 20:29

watsi: ‘Ase ngihambe, ngobe umndeni wakitsi wenta umhlatjelo edolobheni lawo, ngako umnaketfu utsite kufanele ngibe khona lapho. Nangabe ngizuze umusa kuwe, ngicela kutsi ungivumele ngiyewubona bomnaketfu.’ Ngiko nje angaketi lapha kutakudla nenkhosi.”