Esta 8:3 - Siswati 1996 Bible

³ Esta waphindze wayawukhuluma enkhosini; watilahla etinyaweni tayo, akhala. Wayincenga kutsi isale seyiwuhocisa lomkhankhaso lomubi wekubulala onkhe emaJuda, njengobe bekuhlose Hamani, umtukulu wa-Agagi.

Esta 8:3 Referencias Cruzadas

2 Emakhosi 4:27

Watsi kube efike kulomuntfu waNkulunkulu entsabeni, wabamba tinyawo ta-Elisha. Gehazi weta kuye wafike wamfuca, amkhweshisa; kodvwa lomuntfu waNkulunkulu watsi: “Myekele! Uselusizini lolukhulu, kodvwa Simakadze ungifihlele loko, futsi nami abesengakangitjeli.”

Esta 3:1

Ngekuhamba kwetikhatsi, inkhosi Ahashiveroshi yamphakamisa Hamani yamnika sikhundla sekuba ngundvunankhulu. Hamani bekuyindvodzana yaHamedatha, umtukulu wa-Agagi.

Esta 7:4

Mine nesive sakitsi sitsengisiwe kutsi sibulawe size sife sonkhe siphele. Kube mane bekutsengiswe ngatsi kutsi simane sibe tigcili netigcilikati ngabe ngithulile, ngobe angiboni kutsi loko singaze sikwetfwese inkhosi; kodvwa sitawubhujiswa sonkhe!”

Esta 8:2

Inkhosi yakhumula indandatho yayo leneluphawu lwayo, yona leyo labeyinike Hamani, wase uyinika Modekhayi. Esta wanika Modekhayi lilungelo lekuphatsa tonkhe timphahla bekutaHamani.

Esta 8:4

Inkhosi yamphakamisela indvuku yayo yegolide; ngako-ke Esta wasukuma wakhuluma kuyo, watsi:

Isaya 38:2

Hezekiya wagucuka wabheka ngaselubondzeni, wathandaza kuSimakadze, watsi:

Hoseya 12:4

Walwa nengilosi, wayehlula. Wakhala ancenga sibusiso sakhe, wakhandzana naye eBetheli, wakhuluma naye khona lapho,

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

1 Samuweli 25:24

Watijika etinyaweni takhe, watsi: “Nkhosi yami, licala alibe setikwami. Ngicela mane uvumele incekukati yakho kutsi seyimane ikhulume; ulalele kutsi incekukati yakho itawutsini.