Esta 8:15 - Siswati 1996 Bible

¹⁵ Modekhayi waphuma endlunkhulu embetse imijiva yebukhosi lelingangane nalemhlophe, nengubo lebukhwebeletane kanye nemchele lomuhle wegolide. Bonkhe bantfu edolobheni laseSusa bema etitaladini bamemeta ngalokukhulu kujabula.

Esta 8:15 Referencias Cruzadas

Genesisi 41:42

Faro wakhipha indandatho yakhe esandleni sakhe, wayifaka esandleni saJosefa; wamembatsisa ingubo yelineni lecolisakele, wamegabisa buhlalu begolide entsanyeni.

Esta 1:6

Lesihonco sasihlotjiswe ngetindvwangu letatimhlophe naletatiluhlata njengesibhakabhaka, ticoboshelwe ngetintsambo telineni lecolekile naletibukhwebeletane etindingilizini tesiliva letatiboshelwe etinsikeni temabuli; kwakukhona netihlalo tekucambalala tegolide netesiliva tibekwe esihoncweni. Lesihonco naso sasiyilwe ngemabuli lemhlophe nangematje labovu nangemapharele lacwebetelako, nangematje laluhlata laligugu.

Esta 10:2

Tonkhe tintfo nemisebenti yakhe lemikhulu lemangalisako kanye nekubeka Modekhayi esikhundleni kubhaliwe emilandvweni yemakhosi asePheresiya naseMediya.

Esta 3:15

Ngekuyala kwenkhosi leso simemetelo sakhishwa eSusa inhlokodolobha yalowo mbuso; emancusa aphutfumisa lesimemetelo kuwo onkhe emave. Inkhosi naHamani bona bahlala phansi banatsa ngesikhatsi lidolobha lonkhe laseSusa lidzidzekile ngekumangala.

Esta 5:1

Kwatsi ngelilanga lesitsatfu lekuzila Esta wembatsa imijiva yakhe yebukhosi, wahamba waze wayawungena ngekhatsi esihoncweni sendlunkhulu. Wangena ngemphundvu lemacondzana nemnyango wendlunkhulu. Inkhosi yayingekhatsi ihleti esihlalweni sayo sebukhosi imacondzana nemnyango.

Esta 5:11

Hamani wabatekela ababalela nebantfwabakhe kutsi banyenti kanganani, abatjela nekutsi inkhosi imkhuphule kanjani yamenta ndvunankhulu, nekutsi yena ubaluleke kanganani kunato tonkhe tindvuna tenkhosi.

Esta 6:11

Ngako Hamani watsatsa lengubo yebukhosi wembatsisa Modekhayi, wamekhweta ehhashini lebukhosi, walihambela embili, ahamba amemetela atsi: “Ase nibuke-ke kutsi inkhosi imentelani umuntfu lefisa kumbonga!”

Esta 6:8

ayimembese ngengubo yebukhosi leyembatfwa ngiyo, imekhwete ehhashini layo lelifakwe umchele webukhosi.

Esta 8:14

Tigijimi nemancusa lakhishwa yinkhosi abegibele emahhashi enkhosi lagijima kakhulukati. Lesimemetelo sasebukhosini sasicilelwa samenyetelwa satiwa nangibo bonkhe bantfu baseSusa lekwakuyinhlokodolobha yembuso.

Taga 11:10

Nakuchuma bantfu labalungile, takhamiti telidolobha labo tiyatsakasa; kantsi nakufa lomubi, wonkhe umuntfu uyajabula.

Taga 28:12

Nangabe labalungile baba baholi, bonkhe bantfu bayajabula; kodvwa nangabe baholi kuba ngulababi, bantfu baphila ngekubhaca.

Taga 29:2

Nakungena bantfu labalungile ebuholini, bantfu bayajabula; kodvwa nakubusa bantfu lababi, bantfu bayakhonona.

Matewu 11:8

Kantsi nanisukele kuyawubonani, vele? Naniyewubona umuntfu lowembetse tingubo letinhle yini? Anati yini kutsi labanjalo basetindlini temakhosi?

Matewu 6:29

Kepha ngitsi kini: NaSolomoni ebukhatikhatini bakhe bonkhe abengeke afanane ngisho nayinye yato ngekwembatsa.

Lukha 16:19

“Bekukhona indvodza leyayicebile igcoka timphahla letatidule kakhulu. Yayinekudla lokunyenti idla kahle onkhe emalanga.