Esta 7:9 - Siswati 1996 Bible

⁹ Lomunye wabo, lekwakutsiwa nguHabona, watsi: “Yena lo Hamani phela besalungise nesigodvo lesingemamitha langema-22 ngasendlini yakhe, asilungisele kulengisa Modekhayi lowephula imphilo yenkhosi engotini.” “Lengisani Hamani kuso!” sekusho inkhosi.

Esta 7:9 Referencias Cruzadas

2 Emakhosi 9:32

Jehu wabuka etulu efasitelweni, wamemeta watsi: “Ngubani lome ngakimi? Ngubani?” Babili nome batsatfu batsenwa bambuka ngelifasitelo.

Esta 1:10

Kwatsi ngelilanga lesikhombisa, inkhosi seyibufakile yatjela tindvuna tayo letatibatsenwa boMehumani, naBiztha, naHabona, naBiktha, na-Abagitha, naZethari, naKhakhasi kutsi tilandze inkhosikati lenkhulu Vashti,

Esta 5:14

Ngako umkakhe Zereshi, nabo bonkhe bangani bakhe bakhipha siphakamiso batsi: “Yini ungagawuli sigodvo lesingemamitha langema-22 budze, uvuke ekuseni ucele enkhosini kutsi Modekhayi alengiswe khona; utawutsi nawuya edzilini nenkhosi ube ujabulile.” Leso siphakamiso samjabulisa Hamani, ngako sigodvo sekulengisa Modekhayi salungiswa masinyane.

Esta 6:14

Batsi basakhuluma tindvuna tenkhosi tefika setilandze Hamani ngekushesha kutsi aye edzilini, lakhe nenkhosi, lababelentelwe ngu-Esta.

Esta 6:2

Lendzawo leyafundvwa yayinemlandvo lapho kwakubhalwe kutsi Modekhayi wavumbulula lisu letindvuna letimbili letatigadza iminyango yenkhosi, boBikthani naThereshi.

Esta 8:7

Inkhosi Ahashiveroshi wakhuluma kuModekhayi, na-Esta akhona, yatsi: “Asubuke la, sengimncumile loHamani labehlose kubhubhisa emaJuda; timphahla takhe sengitetfule etandleni ta-Esta.

Esta 9:14

Ngako inkhosi yakhipha simemetelo sasebukhosini kutsi loko akwentiwe. Lesimemetelo sasebukhosini sacondziswa eSusa kutsi emadvodzana aHamani alengiswe ngentsambo etigodvweni.

Esta 9:25

Kodvwa Esta waya enkhosini, inkhosi yakhipha umtsetfo lowawubhalwe phansi, lekwatsi umphumela wawo Hamani nemadvodzana akhe wavuna labekuhlanyelele emaJuda, yena nemadvodzana akhe balengiswa entsanjeni benekelwa live.

Tihlabelelo 141:10

Lababi ababanjwe tingibe tabo, kodvwa mine ngendlule ngiphephile.

Tihlabelelo 35:8

shangatsi bangehlelwa yimbhubhiso ngekutumeka lokukhulu, nelugibe labangetsiye ngalo lubambe bona. Umgodzi lolugibe labangetsiye ngawo uhholokoshisele bona, babhubhe.

Tihlabelelo 73:19

Maye! Bacitfwa ngekucwabita kweliso, bakhukhulwe tinhlupheko letesabekako.

Danyela 6:24

Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.

Danyela 6:7

Bengameli bembuso, netindvuna, netikhulu, nebeluleki kanye nebabusi bonkhe bavumelene ngekutsi inkhosi kufanele ikhiphe umtsetfosimemetelo bese icinisa lesimemetelo ngekutsi nome ngubani lothandaza kulomunye nkulunkulu nome umuntfu ngaphandle kwakho, nkhosi, kulamalanga langema-30 letako uyawujikijelwa emgodzini wemabhubesi.

1 Samuweli 17:51

Davide wagijima wema etikwalomFilisti, wabamba inkemba yalomFilisti wayihoshula kulomgodla wayo, wamcedzela ngayo; wajuba inhloko yakhe. Atsi kube emaFilisti abone kutsi lengwazi yabo seyifile, esuka ngematubane, abaleka.