Esta 7:8 - Siswati 1996 Bible

⁸ Watsi asatilahla phansi nje embikwetinyawo tesihlalo sa-Esta, asatsi usetatincengela, yangena inkhosi seyibuya esibuyeni. Yatsi nayimbona enta njalo, yamemeta yatsi: “Kantsi lendvodza seyitawudlwengula umdlunkhulu wami lapha ekhatsi esigodlweni nasembikwami, ngibuka?” Latsi liphuma nje lelo livi enkhosini, tinceku taphutfuma tambonya buso baHamani.

Esta 7:8 Referencias Cruzadas

Esta 1:5

Kwatsi ekupheleni kwaleso sikhatsi inkhosi yenta lidzili lelatsatsa liviki ngekhatsi esihoncweni sasesigodlweni senkhosi. Lelidzili lalentelwe bonkhe bantfu labakhulu nalabancane labebasesihoncweni saseSusa.

Esta 1:6

Lesihonco sasihlotjiswe ngetindvwangu letatimhlophe naletatiluhlata njengesibhakabhaka, ticoboshelwe ngetintsambo telineni lecolekile naletibukhwebeletane etindingilizini tesiliva letatiboshelwe etinsikeni temabuli; kwakukhona netihlalo tekucambalala tegolide netesiliva tibekwe esihoncweni. Lesihonco naso sasiyilwe ngemabuli lemhlophe nangematje labovu nangemapharele lacwebetelako, nangematje laluhlata laligugu.

Esta 6:12

Emvakwaloko Modekhayi wabuyela emphundvwini yendlunkhulu, kodvwa Hamani wabuyela ekhaya kakhe ajabhe, waze wembonya nebuso bakhe ngenca yekudliwa ngemahloni.

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Jobe 9:24

Live naliniketelwe etandleni tebantfu lababi, emehlo ebehluleli balo uyawaphumphutsekisa. Nakungesiye, ngubani-ke?

Isaya 22:17

“Caphela-ke, Simakadze sewutakuntfonya akujikijele khashane, awu, wena ndvodza lenemandla.

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Amose 3:12

Naku-ke lokushiwo nguSimakadze, utsi: “Njengemelusi asindzisa emlonyeni welibhubesi imilente lemibili yekugcina nome sicu sendlebe yelizinyane, ayakuhlwitfwa kanjalo nema-Israyeli lambalwa, lawo lasahlala eSamariya, emaphetselweni emibhedze yawo, lasahlala acuphele etihlalweni tawo tekuphumula.”

Makho 14:65

Labanye bamkhafulela ngematse, bammbonya buso bakhe, bamshaya batsi: “Phrofetha!” Nabogadzi imbala bammukula.