Esta 6:12 - Siswati 1996 Bible

¹² Emvakwaloko Modekhayi wabuyela emphundvwini yendlunkhulu, kodvwa Hamani wabuyela ekhaya kakhe ajabhe, waze wembonya nebuso bakhe ngenca yekudliwa ngemahloni.

Esta 6:12 Referencias Cruzadas

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

1 Emakhosi 20:43

Inkhosi yabuyela esigodlweni sayo eSamariya idvubutekile, ikhubekile.

1 Emakhosi 21:4

Ngako Ahabi wabuyela ekhaya ahluneme atfukutsele, ngobe Nabothi waseJezreyeli atsite: “Ngingeke ngikunike lifa labobabemkhulu.” Wafike walala embhedzeni wakhe, acumbelene; wadvuba nekudla kudla.

1 Emakhosi 21:6

Wamphendvula watsi: “Kungenca ngobe ngitsite ngitsi kuNabothi waseJezreyeli: ‘Ngitsengisele sivini sakho, nome-ke nawutsandza ngikwenanisele ngalesinye sivini esikhundleni saso,’ yena wala watsi: ‘Ngingeke ngikunike sivini sami.’ ”

2 Tikhronike 26:20

Watsi Azariya, umPhristi Lomkhulu, nabo bonkhe labanye baphristi nabambuka, babona kutsi abesanesifo lesisabulephelo ebuntini lakhe, bavele bamkhiphela ngaphandle ngekushesha. Empeleni naye abesavele afisa kutsi aphume, ngobe Simakadze abesamshayile.

Esta 2:19

Ngesikhatsi emantfombatana asabutfwe kwesibili, Modekhayi abehlala emphundvwini yendlunkhulu.

Esta 6:11

Ngako Hamani watsatsa lengubo yebukhosi wembatsisa Modekhayi, wamekhweta ehhashini lebukhosi, walihambela embili, ahamba amemetela atsi: “Ase nibuke-ke kutsi inkhosi imentelani umuntfu lefisa kumbonga!”

Esta 7:8

Watsi asatilahla phansi nje embikwetinyawo tesihlalo sa-Esta, asatsi usetatincengela, yangena inkhosi seyibuya esibuyeni. Yatsi nayimbona enta njalo, yamemeta yatsi: “Kantsi lendvodza seyitawudlwengula umdlunkhulu wami lapha ekhatsi esigodlweni nasembikwami, ngibuka?” Latsi liphuma nje lelo livi enkhosini, tinceku taphutfuma tambonya buso baHamani.

Jobe 20:5

kutsi kujabula kwalababi kwesikhashana nje, nekutfokota kwalabangenaNkulunkulu kuba kwesikhashana nje.

Jobe 9:24

Live naliniketelwe etandleni tebantfu lababi, emehlo ebehluleli balo uyawaphumphutsekisa. Nakungesiye, ngubani-ke?

1 Samuweli 3:15

Samuweli walala kwaze kwasa; kwase kutsi nakusa, wahamba wayakuvula iminyango yendlu yaSimakadze. Wesaba kutjela Eli lombono,