Esta 6:1 - Siswati 1996 Bible

¹ Kulobo busuku abuzange sebehle butfongo enkhosini, ngako yatfumela kutsi akulandvwe emabhuku emilandvo yembuso ifundzelwe.

Esta 6:1 Referencias Cruzadas

Genesisi 22:14

Ngako-ke Abrahama wetsa leyo ndzawo libito, watsi: “Simakadze uyatibonela.” Nalamuhla lendzawo bantfu basayibita ngekutsi: “Simakadze uyatibonela entsabeni.”

Esta 10:2

Tonkhe tintfo nemisebenti yakhe lemikhulu lemangalisako kanye nekubeka Modekhayi esikhundleni kubhaliwe emilandvweni yemakhosi asePheresiya naseMediya.

Esta 2:21

Ngesikhatsi Modekhayi aseyindvuna yasesigodlweni senkhosi, abekanye naboBikthani naThereshi, tindvuna tenkhosi letatigadza indlela leya endlunkhulu. Letindvuna tayitfukutselela inkhosi tafuna lisu lekuyibulala.

Esta 2:22

Modekhayi watsi kube ayive lendzaba, wayibika enkhosikatini Esta. Inkhosikati lenkhulu yabikela inkhosi ngalendzaba, yasho nekutsi ive ngaModekhayi.

Esta 2:23

Kwatsi kube kuphenywe kahle kutfolakale kutsi lendzaba yayiliciniso; lamadvodza lamabili alengiswa ngentsambo. Konkhe loko kwabhalwa encwadzini yemilandvo yemakhosi, inkhosi, Ahashiveroshi, ibuka.

Esta 5:8

Nangabe inkhosi ingaba nemusa kimi ingiphe sicelo sami, ngicela kutsi iphindze ibuye naHamani kusasa kulelinye lidzili lengitawube ngililungisele bona. Ngitayitjela lapho-ke inkhosi kutsi siyini sicelo sami.”

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Danyela 2:1

Ngemnyaka wesibili wekubusa kwakhe, Nebukhadnezari wabhudza emaphupho; inhlitiyo yakhe yakhatsateka kakhulu, wehluleka ngisho nekulala.

Danyela 6:18

Inkhosi yase iyancandzeka ibuyela esigodlweni sayo, busuku bonkhe yayihleti ingadli lutfo, akuzange kuletfwe ngisho nentfo yekuyijabulisa embikwayo. Ayizange ilale.

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?