Esta 5:9 - Siswati 1996 Bible

⁹ Hamani waphuma kulelo dzili ativa amnandzi, ajabule kakhulu. Kodvwa watsi nakabona Modekhayi emphundvwini, wambona kutsi akamkhotsameli futsi akakhombisi nakancane nje kumhlonipha ngesikhatsi endlula, Hamani watfukutsela watselwa ngemanti.

Esta 5:9 Referencias Cruzadas

1 Emakhosi 21:4

Ngako Ahabi wabuyela ekhaya ahluneme atfukutsele, ngobe Nabothi waseJezreyeli atsite: “Ngingeke ngikunike lifa labobabemkhulu.” Wafike walala embhedzeni wakhe, acumbelene; wadvuba nekudla kudla.

1 Emakhosi 21:6

Wamphendvula watsi: “Kungenca ngobe ngitsite ngitsi kuNabothi waseJezreyeli: ‘Ngitsengisele sivini sakho, nome-ke nawutsandza ngikwenanisele ngalesinye sivini esikhundleni saso,’ yena wala watsi: ‘Ngingeke ngikunike sivini sami.’ ”

Esta 2:19

Ngesikhatsi emantfombatana asabutfwe kwesibili, Modekhayi abehlala emphundvwini yendlunkhulu.

Esta 3:2

Inkhosi yakhipha umtsetfo lewawucondzene nato tonkhe tiphatsimandla tayo kutsi tifanele tiguce phansi tikhotsame nakwendlula Hamani, timhloniphe. Tonkhe tiphatsimandla tatikwenta loko, ngaphandle kwaModekhayi lowala wangete wakhotsama.

Esta 3:5

Hamani watfukutsela wagaya tiboti, nakabona kutsi Modekhayi akamhloniphi, futsi akamkhotsameli.

Esta 5:13

Kodvwa nome kunjalo, konkhe loko kuye kwakungasho lutfo inkhani nakasabona leliJuda lelinguModekhayi lisahlala lapha emphundvwini yasendlunkhulu.

Jobe 20:5

kutsi kujabula kwalababi kwesikhashana nje, nekutfokota kwalabangenaNkulunkulu kuba kwesikhashana nje.

Jobe 31:31

Bantfu labasekhaya kami abazange sebasho yini batsi: ‘Ngubani longazange asayidle ayesutse inyama yakaJobe?’

Tihlabelelo 15:4

Akamtsandzi losalahlwe nguNkulunkulu, kodvwa uyabatisa labesaba Simakadze. Wenta sifungo, asigcine, nome sekumatima.

Tihlabelelo 27:3

Nome ngingavinjetelwa yimphi, inhlitiyo yami ingeke yesabe; nome titsa tingangihlasela, noko ngiyawuhlala nginelitsemba kuNkulunkulu.

Danyela 3:13

Nebukhadnezari watfukutsela wabila, wabita boShadraki, naMeshaki kanye na-Abednego kutsi bete kuye. Ngako lamadvodza aletfwa embikwenkhosi.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Matewu 2:16

Kwatsi Herodi asabonile kutsi tati timyengile, watfukutsela wagcwala kokana, watfumela kutsi akubulawe bonkhe bantfwana labadvuna baseBhetlehema nakuto tonkhe tindzawo tangakhona lababeneminyaka lemibili nome ngephansi, kwaya ngesikhatsi labesibutisise etatini.

Lukha 6:25

“Maye kini nine lenesutsi manje, ngobe nisetawulamba. Maye kini nine lenihlekako nyalo, ngobe nisetawukhala nilile.

Johane 16:20

Ngicinisile, ngicinisile, ngitsi kini: Nitawukhala, nilile, kodvwa live litawujabula. Niyawuba nelusizi, noko lusizi lwenu luyawugucuka lube yinjabulo.

Imisebenti yebaPhostoli 7:54

Liqoqo letiphatsimandla lisalalele Stefano latfukutsela kakhulu, lacucudza imihlatsi.

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.