Esta 4:3 - Siswati 1996 Bible

³ Kwesuka sililo lesikhulu semaJuda kuto tonkhe tifundza letatingaphansi kwalowo mbuso, yonkhe indzawo lapho kwafika khona lesimemetelo. EmaJuda azila, akhala, alila kwatsi linyenti lawo lembatsa emasaka latitsela ngemlotsa.

Esta 4:3 Referencias Cruzadas

Esta 1:1

Inkhosi Ahashiveroshi ngesikhatsi sayo yayibusa tifundza letili-127 kusukela eNdiya kuze kuyewuma eSudani.

Esta 3:12

Ngako-ke kwatsi ngelilanga leli-13 lenyanga yekucala, Hamani wabita bonkhe bomabhalane benkhosi, ababitela lesatiso kuze basihumushe basibhale ngato tonkhe tilimi neluhlobo lwekubhala lolwalusetjentiswa eveni lasePheresiya. Tase titfunyelwa kuto tonkhe tindvuna, netikhulu, netiphatsimandla temibuso. Takhishwa egameni lenkhosi Ahashiveroshi tineluphawu lwendandatho yakhe.

Esta 4:16

“Hamba uhlanganise onkhe emaJuda laseSusa, nizile ningithandazele. Ningadli kudla, ninganatsi nemanti kuze kube ngemalanga lamatsatfu nebusuku bawo. Nami netincekukati tami sitawuzila njengani. Emvakwaloko ngitawuvele ngitidzikele, ngingene enkhosini, nome loko kuphambene nemtsetfo. Nangabe ngiyafa, ngife kube kanye.”

Esta 4:2

waze wefika emphundvwini lengenela esigodlweni. Akazange angene ngekhatsi, ngobe phela bekulisiko nemsimeto kutsi umuntfu lowembetse inzilo akangeni esigodlweni.

Esta 4:4

Esta wakhatsateka kakhulu, nasatjelwa tisebenti kanye netindvuna takhe ngaloko lokwentiwa nguModekhayi. Watfumela timphahla kuModekhayi kutsi atewugcoka, khona atewukhumula lamasaka; kodvwa Modekhayi akazange avume kutemukela, watala.

Esta 9:31

yatisa emaJuda kanye netitukulwane tawo kutsi awahloniphe lamalanga ePhurimu ngesikhatsi lesifanele, njengaloku bebetayele kuhlonipha imitsetfo yekuhlonipha kuzila netikhatsi tekulila. Lowo mtsetfo waphuma kuModekhayi banenkhosikati lenkhulu Esta.

Jobe 2:8

Jobe watsatsa lucetu lweludzengelo watenwaya ngalo ahleti emlotseni etaleni.

Isaya 22:12

INkhosi Simakadze lenguSomandla yanibita ngalelo langa kutsi nitewukhala nilile, kutsi nitewuhhula tinwele tenu, nembatse emasaka.

Isaya 22:4

Ngako-ke ngatsi: “Sukani lapha kimi, ase ngikhale kabuhlungu. Ningacali netame kungidvudvuta ngekubhujiswa kwesive sakitsi.”

Isaya 58:5

Ngiyona leyo yini inhlobo yekuzila kudla lengiyikhetsile mine, lilanga linye nje kutsi indvodza ititfobe? Lokuzila kwekutsi umuntfu akhotsame nje kuphela yini, ngekubhekisa inhloko phansi njengemhlanga, nekutsi embatse emasaka atitsele ngemlotsa? Nguloko-ke yini nine lenitsi kuzila kudla, lilanga lelemukelekile kuSimakadze?

Hezekeli 27:30

“ ‘Bayawuphakamisa emavi abo bakhale kabuhlungu ngenca yakho. Bayawutsela lutfuli etinhloko tabo batigicite emlotseni.

Danyela 9:3

Ngako ngagucukela kuSimakadze longuNkulunkulu ngamncenga ngemthandazo nangekuncusa ngizila kudla, ngembatse emasaka, ngatitsela ngemlotsa.

Jona 3:6

Letindzaba tatsi natifika enkhosini yaseNineve, yasukuma esihlalweni sayo sebukhosi, yakhumula ingubo yayo yebukhosi, yatembonya ngendvwangu yemasaka, yahlala phansi emlotseni.

Matewu 13:42

tibalahle emlilweni lowesabekako, lapho bayawukhala kudzimate kugedletele ematinyo.

Matewu 22:13

Inkhosi yatjela tisebenti tayo yatsi: ‘Mbopheni tandla netinyawo, nimlahle ngephandle ebumnyameni. Lapho kuyawuba khona kukhala nekugedletelisa ematinyo.’

Matewu 25:30

“ ‘Lesisebenti lesingenalusito silahleni ngephandle ebumnyameni, lapho kuyawuba khona kukhala nekugedletelisa ematinyo.’ ”

Joshuwa 7:6

Joshuwa wadzabula tembatfo takhe, wawa ngebuso phansi embikwelibhokisi lesivumelwane saSimakadze, kwaze kwaba kusihlwa. Nebaholi baka-Israyeli benta njalo, batitsela ngelutfuli enhloko.

1 Samuweli 11:4

Tatsi letigijimi natifika eGibeya kaSawula tibika ngaletincomo esiveni, sonkhe sive sakhala kakhulu, samemeta.